Kirsten Hammelbo avdelingsdirektør i Fiskeri- og kystdepartementet

Kirsten Hammelbo er i statsråd utnemnd til avdelingsdirektør i Fiskeri- og kystdepartementet. Hammelbo skal arbeide i Kystavdelinga. Avdelinga har  blant anna ansvar for sjøtransport, sjøsikkerheit, maritim infrastruktur og oljevernberedskap.

Hammelbo er 46 år og utdanna siviløkonom ved Noregs Handelshøgskole og har dessutan hovudfag i engelsk.

Kirsten Hammelbo har arbeidd i Norges Rederiforbund og har i mange år vore tilsett i Utanriksdepartementet. Sidan 2004 har ho vore ambassaderåd ved den norske ambassaden i Washington. I Fiskeri- og kystdepartementet får Hammelbo ansvar for oppgåver knytt til sjøsikkerheit og oljevernberedskap og internasjonale prosessar innan desse saksfelta.