Noreg, EU, Færøyane og Island er enige om forvaltinga av kolmule for 2007. Avtalen for neste år byggjer på rammeavtalen om kolmule som kyststatane vedtok i fjor. Partane er samde om ei kvote for 2007 på 1.7 millioner tonn. Etter avtalen kan norske fartøy fiske 446.165 tonn kolmule neste år. I tillegg kjem kvotene som Noreg bytter til seg i dei bilaterale avtalane med EU og Færøyane.

Kyststatskvoten for 2007 inneber ein reduksjon på 300.000 tonn samanlikna med kvoten for i år. Reduksjonen er i samsvar med nedtrappingsplanen for fisket som partane vart samde om i fjor.

Avtalen inneber vidare at adgangen til å fiske i EU-sona og Færøy-sona vert ført vidare i 2007, dvs. at norske fartøy kan fiske 61 % av den norske kvoten i EU-sona og inntil 60.000 tonn i Færøy-sona. Noreg anser soneadgangen som særs viktig med tanke på å verne viktige oppvekstområder for kolmule mellom anna i norsk økonomisk sone.

Innenfor rammen av NEAFC vil kyststatane leggja til rette for ei avsetning for fiske i internasjonalt farvann.

• Avtaledokument - kolmuleavtale for 2007