Historisk arkiv

Kulturdepartementet sine prisar for barne- og ungdomslitteratur heidrar kvalitetslitteratur for unge lesarar

Historisk arkiv

Publisert under: Regjeringen Solberg

Utgjevar: Kulturdepartementet

Torsdag 8. mars blei til saman sju forfattarar, oversettarar, illustratørar og teikneserieskaparar feira då statssekretær Frida Blomgren delte ut Kulturdepartementet sine prisar for barne- og ungdomslitteratur utgjeve i 2017.

Statssekretær Frida Blomgren på talerstol bakerst i bildet med noen tilhørere i front.
Statssekretær Frida Blomgren delte ut prisane. Foto: Rein Blomquist/Kulturdepartementet

Prisvinnarane i dei ulike kategoriane representerer mangfaldet og kvaliteten i litteraturen for barn og unge gjennom bokåret 2017. Dei sju vinnarane mottok prisar for til saman 325 000 kroner.

Prisvinnarane på rekkje saman med statssekretær Frida Blomgren.
Prisvinnarane og statssekretær Frida Blomgren. Foto: Rein Blomquist/Kulturdepartementet

I juryen si oppsummering av året seier dei:

«Flyktninger og det flerkulturelle aspektet er trenden som peker seg tydeligst ut dette året. Tekstene spenner fra det poetiske, vakre til det mer didaktiske, og alle aldersgrupper har fått sine utgivelser. Det er liten tvil om at vi også i år finner mye realisme, utfordrende familieforhold og utenforskap i litteraturen, svært mange av dem har jenter som hovedpersoner. Homofil kjærlighet ser vi også mer av, men oftere mellom jentene enn mellom gutta. For å finne kjærlighet mellom gutter må vi til den oversatte litteraturen.»

Kulturdepartementet premierar årleg dei beste barne- og ungdomsbøkene. Sidan 2003 har jury og prisutdeling blitt administrert frå Norsk barnebokinstitutt.

Meir informasjon om prisane og grunngjevingar på www.barnebokinstituttet.no

Vinnarane er:

Litteraturprisen:
Arnfinn Kolerud for Snillionen
Gyldendal

Bildebokprisen:
Mari Kanstad Johnsen for ABC
Gyldendal

Fagbokprisen:
Mariann Youmans for Følelser til å bli sprø av
Gyldendal

Illustrasjonsprisen:
Iben Sandemose for illustrasjonane til Kom si, kom sa av Eva Jensen
Aschehoug

Debutantprisen:
Magnhild Winsnes for Hysj
Aschehoug

Oversetterprisen:
Line Almhjell for oversettinga frå svensk av Jessica Schiefauer: Guttene
Gyldendal

Tegneserieprisen:
Ida Eva Neverdahl for I'm a girl, it's fantastic
Jippi Forlag