Landmark utnemnd til ekspedisjonssjef

Vidar Landmark er i statsråd i dag utnemnd til ekspedisjonssjef i Fiskeri- og kystdepartementet, der han skal  leie i Havressurs- og kystavdelinga.

Havressurs- og kystavdelinga har ansvar for saker knytt til fiskeria, havmiljøet og kystforvaltninga.

Landmark er 49 år og utdanna jurist ved Universitetet i Oslo. Han har lang og variert erfaring, og har samla vore tilsett i meir enn 13 år i Fiskeri- og kystdepartementet. Han har mellom anna leia Seksjon for juss og økonomi i Havressurs- og kystavdelinga sidan 2008, og vore konstituert ekspedisjonssjef i same avdeling sidan 14. januar i år.

Vidar Landmark har også arbeidd i Justisdepartementet, hos Sivilombodsmannen, og to år i eit  advokatfirma.