Kommunane i Nordland får auka inntekter neste år

Kommunane får mellom fire og fem milliardar kroner meir i samla inntekter neste år. - Trass i strammare økonomiske tider prioriterer regjeringa meir pengar til kommunane for å sikre gode velferdstenester, seier kommunalminister Liv Signe Navarsete.

Kommuneproposisjonen for 2011.

Mellom 2,5 og 3,0 milliardar av veksten er frie midlar.

- Regjeringa er opptatt av å gjere det muleg for kommunane å tilby gode, trygge barnehagar, eit skuletilbod som gir ungane eit godt grunnlag for heile livet og god pleie og omsorg for dei eldre, seier kommunalministeren.

Samstundes foreslår regjeringa ei meir rettferdig fordeling av inntektene mellom kommunane.

– På grunnlag av nye statistiske analysar endrar vi inntektssystemet slik at kommunane får inntekter etter dei utfordringane dei faktisk har i dag. Slik sikrar vi at kommunar over heile landet kan tilby innbyggjarane sine likeverdige velferdstenester, seier Navarsete.
- Samansetninga av befolkninga, levekår og busettingsmønster har endra seg på 15 år. Det er utvikla nye kriterium som betre fangar opp sosiale forskjellar og skilnadar i levekår rundt i landet, seier Navarsete.

I tillegg foreslår regjeringa å redusere småkommunetilskotet og Nord-Noreg- og Namdalstilskotet, redusere hovudstadstilskotet, å innføre eit nytt storbytilskot og å redusere skattedelen av kommunane sine inntekter.

- Når ein tek med veksten i kommunane sine frie inntekter i 2011, vil ingen kommune få redusert sine inntekter frå 2010 til 2011, seier Liv Signe Navarsete.

Nordland – Illustrasjonsberekning

Kommune	Ny kostnads-nøkkel	Isolert effekt barnehage	Endringar politiske element	System-verknadar	Verknad 1. år
1804 Bodø	50	127	36	85	445
1805 Narvik	-310	143	147	-162	301
1811 Bindal	1 450	485	-549	900	1 261
1812 Sømna	727	-232	-420	307	667
1813 Brønnøy	-50	-289	55	5	365
1815 Vega	972	-285	-710	262	622
1816 Vevelstad	3 344	-74	-1 934	1 410	1 770
1818 Herøy	225	-210	-412	-187	347
1820 Alstahaug	795	37	52	846	1 206
1822 Leirfjord	926	-72	-412	515	875
1824 Vefsn	-570	-387	309	-260	463
1825 Grane	-488	-148	13	-475	833
1826 Hattfjelldal	622	231	-628	-6	354
1827 Dønna	1 663	612	-634	1 029	1 389
1828 Nesna	905	-383	-496	409	769
1832 Hemnes	440	187	229	669	1 029
1833 Rana	-114	37	45	-69	291
1834 Lurøy	2 246	401	-485	1 761	2 121
1835 Træna	3 038	-1 145	-2 162	876	1 236
1836 Rødøy	1 162	975	-714	448	808
1837 Meløy	25	410	52	76	436
1838 Gildeskål	365	336	-432	-67	293
1839 Beiarn	304	-57	-483	-179	550
1840 Saltdal	737	122	51	788	1 148
1841 Fauske	635	285	47	683	1 043
1845 Sørfold	-204	-388	-41	-245	608
1848 Steigen	408	212	-314	93	454
1849 Hamarøy	919	240	-423	496	856
1850 Tysfjord	643	-136	-428	214	574
1851 Lødingen	-337	334	-7	-344	593
1852 Tjeldsund	-1 239	-69	443	-796	1 347
1853 Evenes	1 686	750	-686	1 000	1 360
1854 Ballangen	479	-210	-312	167	527
1856 Røst	-405	-1 628	-422	-827	1 382
1857 Værøy	1 616	-204	-1 305	310	670
1859 Flakstad	1 932	784	-654	1 278	1 638
1860 Vestvågøy	-337	-270	168	-169	322
1865 Vågan	862	379	54	915	1 275
1866 Hadsel	739	491	53	792	1 152
1867 Bø	5	324	-173	-168	333
1868 Øksnes	1 389	662	56	1 444	1 804
1870 Sortland	-88	-431	54	-34	326
1871 Andøy	-87	82	51	-36	324
1874 Moskenes	35	-250	-410	-374	640
Nordland	204	69	-11	192	625

Tabellforklaring

Alle beløp er kroner per innbyggjar. Berekningane bygger på innbyggjartal per 1. januar 2009.

Fordelingseffektane er berekna på kriteriedata og utgiftsbehov for 2008.

Fordelingsverknadane i tabellen er foreløpige. Endelig fordeling av rammetilskotet for 2011 vil vere klart i statsbudsjettet til hausten.

Kolonne 1 viser kommunenamn.
Kolonne 2 viser den samla fordelingseffekten av forslaget til ny kostnadsnøkkel for kommunane, inkludert barnehagar.
Kolonne 3 viser den isolerte effekten av at tilskot til barnehagar vert innlemma i rammetilskotet.
Kolonne 4 viser den samla effekten av å:

• redusere småkommunetilskotet
• redusere Nord-Noreg- og Namdalstilskotet
• redusere skattane sin del av kommunane sine inntekter
• innføre eit nytt storbytilskot til Oslo, Bergen, Trondheim og Stavanger
• avvikle hovudstadstilskotet til Oslo

Kolonne 5 viser samla systemverknadar av alle endringane i inntektssystemet
Kolonne 6 er en illustrasjon av verknadane av alle endringane i inntektssystemet første år, inkludert ein vekst i frie inntekter i 2011 på 2,5 milliardar kroner til kommunane. Av veksten på 2,5 milliardar kroner vert 400 millionar fordelte som ekstra skjønnstilskot til kommunar som taper på omlegginga av inntektssystemet, mens 2,1 milliardar kroner vert fordelte med eit likt beløp per innbyggjar.

Kommunal- og regionaldepartementet sin pressetelefon: 22 24 25 00.