Ny avtale om loddefiske
Historisk arkiv
Publisert under: Regjeringen Solberg
Utgjevar: Nærings- og fiskeridepartementet
Nyheit | Dato: 12.05.2015
Island, Grønland og Noreg er einige om ein avtale om loddefiske for 2015/2016.
Island og Noreg er mellom anna einige om betre vilkår for det norske vinterfisket i den islandske økonomiske sona. No kan 100 prosent av den norske kyststatsdelen av lodda fiskast i den islandske sona, mot tidlegare 35 prosent. Noreg kan også fiske overføringar av lodde frå Grønland/EU i islandsk sone.
Fiskeperioden er utvida med ei veke, til og med 22. februar, og talet på norske fartøy som kan fiske i den islandske økonomiske sona i januar/februar er utvida frå 20 til 25 fartøy.
- Lenke til avtaledokument (pdf-format)