Nye tiltak mot pengespelproblem
Historisk arkiv
Publisert under: Regjeringen Bondevik II
Utgiver: Kultur- og kirkedepartementet
Pressemelding | Dato: 19.04.2005 | Sist oppdatert: 24.10.2006
Regjeringa vil avgrensa marknadsføring av pengespel. Dette er eit av forslaga i handlingsplanen mot pengespelproblem som regjeringa i dag la fram.( 19.04.05)
Pressemelding
Nr.: 49/05
Dato: 19.04.2005
Kontaktperson: Avdelingsdirektør Eivind Tesaker, tlf. 22 24
78 19
Nye tiltak mot pengespelproblem
Regjeringa vil avgrensa marknadsføring av pengespel. Dette er eit av forslaga i handlingsplanen mot pengespelproblem som regjeringa i dag la fram. – Om lag 50 000 i Noreg slit med pengespelproblem. Vi grip nå fatt i dette, seier kultur- og kyrkjeminister Valgerd Svarstad Haugland
Planen har hovudmål: Førebygging og reduksjon av skader knytt til pengespel. Her er nokre av forslaga i handlingsplanen for perioden 2005-2008:
- Avgrensa marknadsføring av pengespel.
- Tilgang til pengespel skal avgrensast.
- 18-årsgrense for ”risikospel” (gevinstautomatar, pengespel via internett)
- Etablera meir forsking om pengespelproblem
- Korrigera spelereglar og regelverk i forhold til risikoelement
- Informasjon om pengespelproblem skal intensiveras
- Permanent drift av Hjelpelinja
- Eg vil gjerne understreka at det
mest effektive tiltaket mot pengespelproblem er å fjerna det
eksisterande automatregimet, seier statsråd Valgerd Svarstad
Haugland.
For å finansiera tiltaka i planen vil det årleg
avsetjast inntil 0,5 % av Norsk Tipping sitt overskot. Desse midla
vil gje betre forsking, behandling, informasjon og førebygging av
pengespelproblem.
Handlingsplanen er basert på forslag frå Lotteritilsynet.
Les regjeringens handlingsplan mot pengespelproblem