P R E S S E M E L D I N G
Fiskeridepartementet

NR. 76/95, 20. desember 1995

REGULERING AV HYSEFISKET

Fiskeridepartementet har fastsett regulering av hysefisket med konvensjonell reiskap nord for 62. graden i 1996.

Hysebestanden er inne i ei god utvikling og den norske kvoten er auka frå 67.000 tonn i 1995 til 90.000 tonn i 1996. Fiskeridepartementet følgjer Norges Fiskarlag sitt framlegg om at 39 prosent av totalkvoten skal kunne fiskast med trål. Dermed vert 54.900 tonn avsett til fiske med konvensjonelle reiskap, bortsett frå not. Dei einskilde konvensjonelle fartya kan fiske fritt innanfor denne gruppekvoten.

Det er vanleg påskestogg i det konvensjonelle hysefisket frå 3. april klokka 17.00 til 8. april kl.24.00. For fisket med snurrevad gjeld stoggen til 9. april kl. 10.00.

Når det ordinære hysefisket er ferdig kan farty ha inntil 25 prosent bifangst av hyse ved fiske etter andre fiskeslag, unnateke reker og rognkjeks.

REGULERING AV SEIFISKET I SØR

Fiskeridepartementet har fastsett regulering av seifisket sør for 62. graden for 1996. Norske fiskarar kan fange 52.720 tonn sei. Av dette kan 45.000 tonn takast i EU-sona. 8.000 tonn er avsett til notfiske.

Kontaktperson: Rådgjevar Johan Williams, tlf. 22 24 64 49