Samferdselsdepartementet vurderer motorsykkel som miljøvennleg transportalternativ

- Regjeringa vil leggja betre til rette for motorsykkel som miljøvennleg transportalternativ, fordi motorsyklar kan bidra til mindre køar, mindre lokal forureining og mindre behov for parkeringsplassar. Eg er godt nøgd med at vi no skal greia ut dette nærare, seiar samferdselsminister Jon Georg Dale.

Oppdraget inneber å vurdera miljømessige konsekvensar ved å erstatta bilbruk med motorsykkel i det daglege. Vurderingane skal gjerast med ei målsetting om kostnadseffektivitet og positiv verknad på miljøet. Oppdraget vert igangsett umiddelbart og skal være ferdig innen desember i år.

Bakgrunnen for oppdraget er at det i den politiske plattforma til regjeringa – Jeløyaplattformen – framgår at regjeringa vil leggja betre til rette for motorsykkel som miljøvennleg transportalternativ. Gjennom endringar i avgiftspolitikken er det gjort meir gunstig å skaffa miljøvennlige motorsyklar, blant anna ved å fjerna heile stykkavgifta og motoreffektavgifta og i staden innføre ein CO₂-komponent. I forslag til statsbudsjett for 2019 foreslår regjeringa å halda fram miljøomlegginga av avgifta for motorsyklar ved å auka CO₂-komponenten.