Historisk arkiv

Sápmelaccaide ja kveanaide geat leat gillán masson oahpu dihte

Historisk arkiv

Publisert under: Regjeringen Bondevik II

Utgiver: Kommunal- og regionaldepartementet

- Sápmelaččat ja kveanat geat masse oahpu 2. máilmmi soađi oktavuođas galggaše oažžut unohisvuođabuhtadusa, dadjá gielda- ja guovluministar Erna Solberg. (02.07.2004)

Preassadieđáhus

Nr.: 90/2004
Beaivi: 02.07.2004

[ Norsk versjon ]

Sápmelaččaide ja kveanaide geat leat gillán masson oahpu dihte

- Sápmelaččat ja kveanat geat masse oahpu 2. máilmmi soađi oktavuođas galggaše oažžut unohisvuođabuhtadusa, dadjá gielda- ja guovluministar Erna Solberg. Dan evttoha Ráđđehus stuoradiggedieđáhusas mii odne biddjo ovdan. Oahpu massin soađi vuolde ja dalá dáruiduhttinpolitihkka lea dagahan máŋga sápmelačča ja kveana dan dillái ahte eai leat beassan oahppat lohkat ja čállit. Dán rádjái leat eiseváldit hilgon daid unohisvuođabuhtadusa ohcamušaid mat leat ovddiduvvon.

- Dábálaččat eai mávsse buhtadusa soađi ja dáruiduhttima dihte. Muhto dat sápmelaččat ja kveanat geat sihke masse oahpu soađi vuolde ja vásihedje dáruiduhttima leat dakkár joavku geat leat erenoamas dilis, dadjá gielda- ja guovluministar Erna Solberg. – Danne oaivvilda Ráđđehus galgat oahppováillagiid hálidussii miehtat ja máksit sidjiide unohisvuođa ruđa. Dál lea 14 jagi áigi dan rájes go sápmelaččat, geat masse oahpu soađi vuolde, vuosttaš geardde ohce unohisvuođaruđa.

- Mun oktan iežan mielbargiiguin leat máŋgii deaivvadan daid ovttaskas vuoras olbmuid ovddasteddjiiguin. Sii leat guhká rahčan iežaset áššiin, almma jovssakeahtta dohkalas covdosa. Mun lean ilus go min Ráđđehus dál evttoha čovdosa dáidda olbmuide, dadjá gieldaministar.

Ráđđehus evttoha Stuoradiggái ahte dat sápmelaččat ja kveanat geat eai máhttán dárogiela, ja geat masse unnimusat 1,5 jagi skuvlla njuolgut 2. máilmmi soađi dihte, galget boahtit heivehuvvon unohisvuođaruđaortnega vuollái.

Dahkan dihte dan álkimus lági mielde ja nu unnán go vejolaš byråkrahtalažžan, de evttoha Ráđđehus ahte sii geat leat ohcan buhtadusaid ovdal eai galgga dárbbašit ođđasis ohcat. USKAV searvi ja Searvi sidjiide geat leat massán oahpu galget baicca sáhttit ovdalaš ohcamušaid duođaštit. Ođđa ohccit, geat oaivvildit iežaset deavdit eavttuid, sáhttet sáddet ohcamusa njuolga Unohisvuođabuhtaduslávdegoddái, guhte daid assiid meannuda.

Unohisvuođaruhtasupmi masson oahpu dihte lea dábálaččat gaskal 50 000 ja 100 000 r – dat lea earret eará dan duohken manne sis váilu oahppu, ja maid skuvla ja skuvlaásahus lea geahččalan dahkat. Taterat geat leat massán oahpu leat ožžon juohkehaš seamma supmi, mii lea 60 000 ruvnno.

Ráđđehus bidjá Unohisvuođaruhtalávdegotti duohkái mearridit juste man stuoris supmi galga leat gudege assis.

Stuoradiggi meannuda ášši viidáseappot.