Statsministerens program veke 11

Statsministeren og statsrådane har normalt desse faste postane i vekeprogrammet: Regjeringskonferanse torsdag kl. 12.30 og statsråd på Slottet fredag kl. 11.00. Det er også jamlege møte i Regjeringa sitt sikkerheitsutval (RSU).

Tysdag 10. mars
Kl. 15.00: Statsminister Erna Solberg taler på Oslo Offshore Energy Week i Oslo. Arrangementet går føre seg på Høymagasinet i Myntgata 7.

Pressekontakt er kommunikasjonsrådgivar Arvid Samland, telefon 93 05 14 58, e-post [email protected].

Torsdag 12. mars
Statsministeren er i Østfold.

Kl. 10.00: Statsministeren besøkjer Norske Skog Saugbrugs AS i Halden. Adresse: Tistedalsgata 9, Halden.

Kl. 11.30: Statsministeren besøkjer Pharmatec AS Rolvsøy i Fredrikstad. Bedrifta har i vår fått pengar til å halde norskopplæring og kurs i digitale ferdigheiter for dei tilsette. Adresse: Vallehellene 4, Rolvsøy.

Kl.13.00 Statsministeren har lunsjmøte med ordføraren i Råde og lokale bedrifter. Møtet går føre seg på Rådhuset i Råde. Adresse: Skråtorpveien 2a, Råde.

Kl. 14.00: Statsministeren besøkjer Råde mølle. Tema er berekraftmåla og næringslivets bidrag til å nå måla. Adresse: Stasjonsveien 4, Råde.

Pressekontaktar er politisk rådgivar Hannah Sumeja Atic, telefon 93 26 13 98, e-post [email protected] og kommunikasjonsrådgivar Ida Dahl Nilssen, telefon 96 23 72 76, e-post [email protected].

Måndag 16. – onsdag 18. mars
Regjeringa startar budsjettarbeidet for 2021 med budsjettkonferanse på Hurdalsjøen hotell. I samband med oppstarten av konferansen vil det bli ei kort presseorientering og fellesfoto av regjeringa.

Fotografar og journalistar som ønskjer å delta må akkreditere seg til [email protected]  innan fredag 13. mars kl. 12.00. Bilnummer på køyretøy må meldast inn samtidig. Pressefolk som kjem til Hurdalsjøen hotell må ta med pressekort og godkjent id.

Foreløpig program 16. mars:

Statsrådane møter opp frå kl. 09.00.

Ca. kl. 09.20: Pressemøte med statsminister Erna Solberg, finansminister Jan Tore Sanner, kunnskaps- og integreringsminister Trine Skei Grande og barne- og familieminister Kjell Ingolf Ropstad.

Ca. kl. 09.40: Fellesfoto av regjeringa.

Deretter blir det høve til å fotografere ved oppstarten av budsjettkonferansen (berre for fotografar). Fotografane blir følgde ut etter at statsministeren har ønskt velkommen.

Pressekontaktar for statsministeren er statssekretær Rune Alstadsæter, telefon 915 58 419, e-post [email protected] og kommunikasjonssjef Anne Kristine Hjukse, telefon 99 21 46 10, e-post [email protected].