Historisk arkiv

Statsministerens program veke 42

Historisk arkiv

Publisert under: Regjeringen Solberg

Utgjevar: Statsministerens kontor

Statsministeren møter denne veka mellom anna Angela Merkel i Berlin.

Statsministeren og statsrådane har normalt desse faste postane i vekeprogrammet: Regjeringskonferanse torsdag kl. 12.30 og statsråd på Slottet fredag kl. 11.00.

Tysdag 16. oktober
Kl. 09.00: Statsminister Erna Solberg deltek på Dagens Næringsliv sin fagkonferanse om hav på Operaen i Oslo.

Pressekontakt er kommunikasjonsrådgivar Eirin Larsen, telefon 909 73 266, e-post eirin.larsen@smk.dep.no.

Statsministeren reiser deretter til Berlin, der ho møter Tysklands forbundskanslar Angela Merkel til politiske samtalar kl. 13.00. Tema som brexit, migrasjon, tryggings- og forsvarspolitikk, utviklingssaker og energi står på agendaen.

I Berlin skal statsministeren i tillegg halda eit innlegg om tryggingspolitikk på eit arrangement i regi av den tyske Körber-stiftinga. Ho deltek også på eit møte om Tysklands energiomstilling, der også norsk-tysk energisamarbeid vil bli diskutert.

Om kvelden deltek statsministeren på eit høgnivåmøte om global helse, der også forbundskanslar Angela Merkel, WHO-sjef Tedros Ghebreyesus og Bill Gates deltek.

Pressekontakt er kommunikasjonsrådgivar Arvid Samland, telefon 930 51 458, e-post arvid.samland@smk.dep.no.

Onsdag 17. oktober
Kl. 09.00: Statsministeren taler på opninga av Aftenposten sin teknologikonferanse, A-Tech, på Colosseum kino i Oslo.

Pressekontakt er kommunikasjonsrådgivar Marita I. Wangberg, telefon 905 12 319 og e-post miw@smk.dep.no.

Kl. 12.00: I anledning at menneskerettserklæringa er 70 år, inviterer regjeringa til eit arrangement om kvinners situasjon i krig og konflikt. Statsminister Erna Solberg deltek saman med justis-, beredskaps- og innvandringsminister Tor Mikkel Wara og kulturminister Trine Skei Grande, i regjeringa sitt representasjonsanlegg i Parkveien 45.

Senter for studier av Holocaust og livssynsminoriteter (HL-senteret) vil mellom anna presentere si utgreiing om norske styresmakter si behandling av tre utvalde grupper etter den andre verdskrigen. Norges nasjonale institusjon for menneskerettigheter (NIM) og andre ekspertar på feltet vil også delta.

Pressa kan vere til stades på heile arrangementet. Statsministeren og andre møtedeltakarar vil vere tilgjengelege for presse i pausen, om lag kl. 12.55, og etter møtet, om lag kl. 14.20. Ta med pressekort og gyldig ID. Oppmøte i Riddervoldsgate 2 seinast kl. 11.30.

Pressekontaktar for statsministeren er kommunikasjonssjef Trude Måseide, telefon 957 26 510, e-post tm@smk.dep.no og kommunikasjonsrådgivar Anne Nordskog, telefon 975 30 948, e-post anne.nordskog@smk.dep.no.

Kl. 16.30: Statsministeren er til stades på ei mottaking for Vibeke Hammer Madsen, som snart går av som administrerande direktør i hovudorganisasjonen Virke. Stad: Henrik Ibsensgt. 90.

Pressekontaktar er statssekretær Sunniva Ihle Steinstad, telefon 959 77153, e-post sis@smk.dep.no og politisk rådgivar Odd Hoen-Sevje, telefon 971 85 003, e-post: odd.hoen-sevje@smk.dep.no.

Torsdag 18. og fredag 19. oktober
Statsminister Erna Solberg deltek på toppmøtet mellom asiatiske og europeiske land (ASEM) i Brussel. Sjå eiga pressemelding for fleire detaljar.

Pressekontakt er Marita I. Wangberg, telefon 905 123 19, e-post miw@smk.dep.no.

Søndag 21. oktober
Kl. 13.15: Statsministeren taler på likestillingskonferansen til Unge Høgre, Kristelig Folkepartis Ungdom, Fremskrittspartiets Ungdom og Unge Venstre på Høgres Hus i Oslo.

Pressekontakt er statssekretær Sunniva Ihle Steinstad, telefon 959 77153, e-post sis@smk.dep.no.

Kl. 20.00: Statsministeren er til stades på fotballkampen mellom Stabæk og Brann på Nadderud stadion i Bærum.

Pressekontakt er kommunikasjonsrådgivar Maria Korkunc, telefon 980 93 66, e-post maria.korkunc@smk.dep.no