Presseinvitasjon

Statsråd Astrup deler ut pris til Straumen i Trøndelag

Kommunal- og moderniseringsminister Nikolai Astrup overrekker måndag 12. oktober pris til Straumen i Trøndelag.

Tettstedet Straumen blei tidlegare i år kåra som vinnar av Staten sin pris for berekraftig by- og stadsutvikling 2020 – Attraktiv by-prisen. No er det tid for feiring!

Media er velkomne til å vere med under programmet:

Kl. 14:00: Prisutdeling
Stad: Muustrøparken

  • Kulturinnslag ved Gullfiskrockerne
  • Kommunal- og moderniseringsminister Nikolai Astrup held tale og overrekker pris til ordførar Ida Stuberg i Inderøy kommune
  • Tale ved juryleiar Alexandria Algard
  • Enkel servering

Kl. 14:45:
Stad: Kølhagan

  • Musikkinnslag
  • Statsråd Astrup avdukar skulpturen "Hvalen" etter ein modell av kunstnar Nils Aas

Kl. 15:00:
Båtur frå Kølhagan til småbåthamna til Straumen båtforening for inviterte gjester.

Gjestene om bord er statsråden, juryen for prisen, og ordførar Ida Stuberg og rådmann Peter Ardon i Inderøy kommune. Ansvarleg for fag- og formidling ved Nils Aas kunstverksted, Solveig Viken, deltek som guide.

Kommunal- og moderniseringsdepartementet sin pressetelefon: 22 24 25 00