Statsråd Gjelsvik inviterer innspelsmøte om dei bustadsosiale utfordringane
Pressemelding | Dato: 03.05.2023 | Kommunal- og distriktsdepartementet
Torsdag 4. mai møter kommunal- og distriktsminister Sigbjørn Gjelsvik (Sp) kommunar, ideelle organisasjonar og brukarorganisasjonar for å få innspel til arbeidet med stortingsmeldinga om ein heilskapleg bustadpolitikk.
Gjennom den sosiale bustadpolitikken skal regjeringa sikre at dei som ikkje sjølv klarer å skaffe seg og behalde eigen bustad, får den hjelpa dei treng til å bu trygt.
Regjeringa er i gang med ei ny melding til Stortinget om ein heilskapleg bustadpolitikk, der den sosiale bustadpolitikken er eit viktig tema. Statsråd Gjelsvik er oppteken av å forstå korleis utfordringsbildet ser ut, og har derfor invitert til innspelsmøte.
Møtet finn stad på Aktivitetshuset K1 på Tøyen, Kolstadgata 1 kl. 14.00-15.30. Presse kan ikkje delta på sjølve møtet, men det er satt av tid til kommentarar etter møtet.
Desse deltek på møtet:
- Aleneforeldreforeningen
- Bergen kommune
- Blå kors
- Frelsesarmeen familiebosatt
- Funksjonshemmedes fellesorganisasjon (FFO)
- Iveland kommune
- Kirkens bymisjon
- Kommunale boligadministrasjoners landsråd (KBL)
- Nasjonalt brukerråd for den sosiale boligpolitikken
- Norges Handikapforbund
- Norsk forbund for Utviklingshemmede (NFU)
- Oslo kommune
- RIO
- Røde kors
- Samarbeidsforumet av funksjonshemmedes organisasjoner (SAFO)
- Sarpsborg kommune
Send ein e-post til ke@kdd.dep.no eller ring pressetelefon på 22 24 25 00 om du ønsker ein kommentar etter møtet.