Sterk satsing på folkemusikk i 2010

Regjeringa aukar tilskotet til Riksscenen for nasjonal og internasjonal folkemusikk, joik og folkedans med 13,4 millionar kroner til 18 millionar kroner. Riksscenen kan med dette opne sine nye lokale i Schouskvartalet i Oslo i 2010.

Rådet for folkemusikk og folkedans får auka sitt tilskot med 1 million til 10,3 millioner kroner. Førde Internasjonale Folkemusikkfestival og Ole Bull Akademiet får i 2010 auka sine tilskot med 100 000 kroner kvar til 4,1 millionar kroner og 3,2 millionar kroner.

I tillegg blir folkemusikk og folkedans styrka gjennom desse tilskotsaukene under Norsk Kulturråd:

• Kompetansesentra for rytmisk musikk: 2 mill. kr
• Tilskotsordning for musikkfestivalar: 1 mill. kr
• Tilskotsordning for musikkensemble: 4 mill. kr
• Arrangørstøtte: 2 mill. kr
• Musikarstøtte: 2 mill. kr
• Innkjøpsordning for musikk: 2,5 mill. kr

Tilskotet til landsomfattande musikkorganisasjonar blir auka med om lag 3 millionar til 26,8 millionar kroner.