Historisk arkiv

Styrkt tiltaksinnsats for yrkeshemma

Historisk arkiv

Publisert under: Regjeringen Stoltenberg I

Utgiver: Arbeids- og administrasjonsdepartementet

Pressemelding

Nr.: 68/2001
Dato: 11.10.01

Kontaktperson:

Ekspedisjonssjef Rune Solberg, 2224 4700

Styrkt tiltaksinnsats for yrkeshemma

Regjeringa legg i budsjettet for 2002 opp til å styrkje tiltaksinnsatsen overfor yirkeshemma arbeidssøkjarar med 290 mill. kr. Dette gir rom for ein vekst i talet på tiltaksplassar for yrkeshemma med 1 750 plassar. Denne satsinga er del av Regjeringa sin plan for å motverke uførepensjonering og redusere talet på uførepensjonistar.

Talet på yrkeshemma har auka monaleg i 2000 og første halvdel av 2001. I 1999 var det gjennomsnittlege talet på yrkeshemma i underkant av 55 000 personar. I juni 2001 hadde talet stige til i underkant av 64 000 personer.

Veksten i talet på yrkeshemma er i stor grad eit resultat av at Regjeringa har auka satsinga på yrkesretta attføring. Det er innført eit skjerpa krav om å la fleire som søkjer uførepensjon, prøve attføring for å unngå uførepensjonering. I tillegg har Stortinget vedtatt obligatorisk reaktivisering av uførepensjonistar som, etter trygdeetaten si vurdering, har utsikter til å komme i jobb. Aetat følgjer opp dette vedtaket i samarbeid med trygdeetaten.

I samband med oppfølginga av opptrappingsplanen for psykisk helse har det skjedd ei utbygging av attføringstilbodet for denne målgruppa. Dette har ført til at talet på yrkeshemma med psykiske lidingar har auka meir enn for andre grupper av yrkeshemma.