FNs 71. generalforsamling
Historisk arkiv
Publisert under: Regjeringen Solberg
Utgjevar: Statsministerens kontor
Kalenderhending | Erna Solberg
Stad: New York, USA
Statsminister Erna Solberg leier Noregs delegasjon til FNs 71. generalforsamling i New York. I tillegg deltek etter planen utanriksminister Børge Brende, helseminister Bent Høie, innvandrings- og integreringsminister Sylvi Listhaug, og klima- og miljøminister Vidar Helgesen.
Opninga av generalforsamlinga vert markert med ei veke med toppmøte, frå måndag 19. september til fredag 23. september.
Sentrale tema for statsministeren er mellom anna flyktningar og migrasjon, antibiotika-resistens, utdanning og jenter, mødre- og barnehelse, FNs berekraftmål, radikalisering, havforvaltning og klimaavtalen frå Paris.
Media som vil dekke generalforsamlinga må ha FN-akkreditering. Akkrediteringsfristen er over.
Pressekontaktar for statsministeren er statssekretær Sigbjørn Aanes, telefon +47 928 87 886 og kommunikasjonssjef Trude Måseide, telefon +47 957 26 510.