Historisk arkiv

VIIDDIDA RÁVTTOŠVUOMI ÁLBMOTMEAHCI GOS LEA MÁILMMI DAVIMUS BEAHCEVUOVDI JA MÁ?GGAŠLÁJAT CÁZÁDATMEAHCCI

Historisk arkiv

Publisert under: Regjeringen Bondevik II

Utgiver: Miljøverndepartementet

Gonagas lea stáhtaráđis odne mearridan viiddidit Rávttošvuomi álbmotmeahci Finnmárkkus ja seammás ásahit Rávttošvuomi suodjemeahci. Dáppe lea máilmmi davimus beahcevuovdi ja máŋggašlájat čázádatmeahcci. Guovlu lea guhká leamaš sámi geavahan- ja ássanguovlun.

Preassadieđáhus

Beaivi: 20.12.2002

VIIDDIDA RÁVTTOŠVUOMI ÁLBMOTMEAHCI GOS LEA MÁILMMI DAVIMUS BEAHCEVUOVDI JA MÁŊGGAŠLÁJAT ČÁZÁDATMEAHCCI

Gonagas lea stáhtaráđis odne mearridan viiddidit Rávttošvuomi álbmotmeahci Finnmárkkus ja seammás ásahit Rávttošvuomi suodjemeahci. Dáppe lea máilmmi davimus beahcevuovdi ja máŋggašlájat čázádatmeahcci. Guovlu lea guhká leamaš sámi geavahan- ja ássanguovlun.

- Lea dehálaš ahte guovlu várjaluvvo sisabahkkemiid vuostá mat vahágahttet dahje

billistit biologalaš girjáivuođa, eanadaga ja gelddolaš geologalaš gávdnosiid. Rávttošvuopmi lea maiddái dehálaš guovlu sámi kultuvrra ja ealáhusávkkástallama oktavuođas, dadjá stáhtaministtar Kjell Magne Bondevik.

Rávttošvuomi álbmotmeahcis ja suodjemeahcis lea máilmmi davimus beahcevuovdi, máŋggašlájat čázádatmeahcci ja biologalaš girjáivuohta gos lunddolaččat ellet ollu šaddo- ja eallešlájat. Guovlu lea guhká leamaš sámi geavahan- ja ássanguovlun. Dálá álbmotmeahci

97 kvadráhttakilomehter viidosaš álbmotmeahcci viiddiduvvo dál 936` kvadráhttakilomehter viiddu suodjemeahccin.

Viiddis guovllus gos dadjat eai leat teknihkalaš doaimmat, lea álbmotmeahci viiddideapmi mielde sihkkarastime erenoamáš meahcceguovllu. Rávttošvuomis nuorttas Deanuleahkái leat duottarvárit ja gáissát mat leat sakka alitbut go Finnmárkku muđui jalges eatnamat.

Rávttošjohka lea bistevaččat suodjaluvvon fápmohuksemiid vuostá ja njeaššit Hearrágohpi bokte gullet Rávttošvuomi šattoleamos guovlluide.

Guovlu mii dál suodjaluvvo, lea guhká leamaš sámi geavahan- ja ássanguovlu. Kulturmuittut mat duođaštit sámi geavaheami ja árbevieruid leat mielde dahkame guovllu erenoamá?in.

Stáhtaministtar deattuha ahte lea leamaš dehálaš suodjaleami hábmet nu ahte báikkálaš servodaga árbevirolaš geavaheapmi sáhttá jotkojuvvot. Dan dihte leat leamaš moanat muddejumit plánaáigodagas. Guovllu galgá boazodoallu ain sáhttit geavahit. Suodjalanmearrádusat eai bija makkárge dihto eavttuid bivdui, guollebivdui ja murjemii.

Sihke báikkálaš olbmot ja guossit leat ollu vánddardan Rávttošvuomis árbevirolaš ja dábálaš meahccedoaimmaid oktavuođas. Álbmotmeahcci ja suodjemeahcci leat mielde sihkkarastime guovlluid gos eai leat teknihkalaš doaimmat sidjiide geat háliidit vánddardit mehciin almmá dakkár veahkkeneavvuid haga.

Porsáŋggu gildii fállojuvvo suodjemeahci hálddašanovddasvástádus, ja Finnmárkku fylkkamánnis fas lea álbmotmeahci hálddašanovddasvástádus. Buorre hálddašeapmi lea mearrideaddjin dasa ahte gáhttenárvvut sihkkarastojuvvojit seammás go árbevirolaš geavaheapmi jotkojuvvo. – Guovllu váldo geavaheaddjit o??ot dan dihte ovttas birasgáhtteneiseválddiiguin guovddáš saji hálddašanplána ráhkadeamis, dadjá Bondevik.

Gáhttenmearrádus lea oassin St.dieđ. nr. 62 (1991-92) čuovvoleamiš ”Ny landsplan for nasjonalparker og andre større verneområder i Norge” ( Norgga álbmotmehciid ja eará viiddis suodjeguovlluid ođđa riikkaplána), man ulbmil lei ahte oassi Norgga luonddus galgá gáhttejuvvot luonddugáhttenlága mielde.

  • linkdoc022031-200029#docRÁVTTOŠVUOMI SUODJEPLÁNA NJUOLGGADUSAT. RÁVTTOŠVUOMI ÁLBMOTMEAHCI SUODJALEAPMI PORSÁŊGGU JA FÁLESNUORI GIELDDAIN FINNMÁRKKU FYLKKAS
  • linkdoc022031-200028#docRÁVTTOŠVUOMI SUODJEPLÁNA LÁHKAÁSAHUS (NJUOLGGADUS). RÁVTTOŠVUOMI SUODJEMEAHCI JA BEAHCEVUOVDDI RÁFÁIDAHTTIN PORSÁŊGGU GIELDDAS

Gulahallanolbmot:

Ossodatdirektora Harald Ruberg, 22 24 58 90
Ráđđeaddi Ingunn Iversen, 22 24 58 61

Til toppen