Jakob Bjelland vart statssekretær i Samferdselsdepartementet 3. januar 2022.

Han var før det avdelingsleiar i Sunnhordland Kraftlag, og har tidlegare hatt leiande stillingar i ulike selskap innan leverandørindustri til maritim sektor og olje og gass-industrien. Han har også arbeida i forsvarsindustrien i Noreg.

Han har i perioden 2015-2022 vore varaordførar i Stord kommune, og i periodar vore fungerande ordførar. Han har vore vara til Stortinget 2009-2017 og 2021-2022, fylkestingsrepresentant i Hordaland og vore styremedlem/nestleiar i Hordaland Senterparti.

Bjelland er utdanna sivilingeniør (tilsvarande MSc) i fysikk og matematikk ved Norges teknisk-naturvitskaplege universitet.