Regjeringa har i dag vedteke at Ølen og Vindafjord kommunar i Rogaland fylke skal slutta seg saman.Samanslutninga trer i kraft 1. januar 2006. Namnet på den nye kommunen blir Vindafjord kommune. Den nye kommunen får om lag 8000 innbyggjarar.

Begge kommunestyra sa i fjor vår ja til samanslutning. Kommunane har gjennomgått ein prosess der konsekvensar av ei samanslutning har blitt greidd ut og vurdert. Før denne prosessen blei dessutan Ølen kommune overflytta frå Hordaland til Rogaland 1. januar 2002.