Endringar i vallova
Historisk arkiv
Publisert under: Regjeringen Solberg
Utgjevar: Kommunal- og moderniseringsdepartementet
Nyheit | Dato: 12.03.2021
Vallova er endra slik at veljarar med psykiske og fysiske funksjonsnedsettingar som ikkje kan stemme aleine, har rett til å få hjelp av ein stemmemottakar eller ein annan person vedkommande sjølv peiker ut, ved stemminga. Det er ikkje lenger krav om at ein valfunksjonær også skal vere med inn i valavlukket.
Føresegna om plikta til å stå på liste ved stortingsval blir også endra. Dersom ein person ikkje ønsker å stå på ei valliste, er det tilstrekkeleg for fritak at personen gir ei skriftleg erklæring om dette. Dermed er vallova endra i samsvar med endringane som er gjort i Grunnlova.
I tillegg er det vedtatt at kommunane ikkje lenger treng å sende alle valkorta frå førehandsstemminga til fylkesvalstyret.
Endringa trer i kraft straks.