Ny rapport om kampen mot resistente bakteriar

I mange land har svinehald vist seg å vera eit reservoar for den resistente bakterien LA-MRSA. Noreg er det einaste landet som har valt å sanere svinebesetningar med denne bakterien av omsyn til folks helse. LA-MRSA er ein resistent bakterie som kan spreiast  mellom dyr og menneske. Hensikta med MRSA-strategien er å unngå at svinebesetningar blir ei kjelde for resistente bakteriar i samfunnet.

MRSA har lita betyding for grisane, men kan vere særs alvorleg for menneske. Sidan det første utbrotet i 2013 har Noreg difor hatt ein offensiv nedkjempingsstrategi med utslakting og sanering av smitta svinehald. Så langt har denne strategien vore vellukka.

– Eg er særs nøgd med at denne nye rapporten frå Mattilsynet som dokumenterer at dei omfattande norske tiltaka óg er samfunnsøkonomiske lønsame, seier landbruks- og matminister Jon Georg Dale.

Rapporten beskriv seks ulike handlingsalternativ. I rapporten kjem det fram at dei to mest effektive handlingsalternativa tilsvarar dagens MRSA-strategi. Dagens strategi vil og vere den mest kostnadseffektive, uavhengig av om næringa sine aukande forsikringskostnadar blir inkludert eller ikkje. 

• Les heile rapporten "Samfunnsøkonomisk analyse av aktuelle tiltak for å forebygge spredning av MRSA i norsk svinehold" hjå Mattilsynet
• Les meir om MRSA hjå Mattilsynets
• Les Veterinærinstituttet sin rapport "spredningsmiddel og samfunnsøkonomisk analyse av tiltak mot LA-MRSA"