Statssekretær Jens Frølich Holte til Etiopia

- Etiopia har gjennomført gledelege reformar den seinaste tida. Eg ser fram til å diskutere rammevilkåra for næringsliv og utanlandske investeringar med styresmaktene. Regjeringa styrker no innsatsen for næringsutvikling i Etiopia, i tråd med stortingsmeldinga om næringsutvikling innafor utviklingssamarbeidet, seier statssekretær Frølich Holte.

Digitalisering og næringslivssamarbeid om fornybar energi vert tema når Frølich Holte skal opne næringslivsseminaret «Nordic Solutions for Business Development». Her møter han også dei norske selskapa som deltar i regi av Nordic-African Business Association.

- Noreg sitt partnarskap med Etiopia er langsiktig og breitt. Det omfattar både klima, jordbruk, utdanning, styresett, menneskerettar, likestilling og humanitær innsats og er viktige bidrag i Etiopia sitt eige arbeid for å nå tusenårsmåla, seier statssekretær Frølich Holte. 

Statssekretær Frølich Holte vil vere til stades når Etiopia og Verdsbanken signerer ein avtale om klimatilpassa jordbruk, der Noreg bidrar med 60 millionar kroner over tre år.

Holte skal også møte menneskerettsforsvararar og norske NGOar som arbeider i Etiopia.

Pressekontakt: Kari Eken Wollebæk, kari.eken.wollebaek@mfa.no, mob.: 928 27 327