Grande Røys støttar innovasjonsprosjekt i Sogn og Fjordane

Fornyingsminister Heidi Grande Røys har i dag gjeve 250 000 kroner i prosjektstønad til Fylkesmannen i Sogn og Fjordane. Prosjektet til Fylkesmannen skal fremje innovasjon i arkivløysingane til det offentlege gjennom bruk av fri programvare.

- Bruk av fri programvare gjer det mogeleg med deling av løysingar på tvers i offentleg sektor. Eg ønskjer å stimulere til ein delingskultur der offentlege verksemder kan byggje vidare på andre sine nyvinningar. Prosjektet til fylkesmannen kan bety mykje for framtidas arkivløysingar, seier fornyingsministeren.

Som ein del av arbeidet med å fremje bruk av fri programvare og opne standardar i det offentlege, kunngjorde Fornyingsdepartementet i oktober fem millionar kroner til prosjekt i statlege og kommunale verksemder. NOARK-kjerne som fri programvare er eitt av 15 prosjekter som no mottek støtte.

Les meir om alle prosjekta her.