Sverre Johansen avdelingsdirektør i Fiskeri- og kystdepartementet

Sverre Johansen er i statsråd utnemnd til avdelingsdirektør i Fiskeri- og kystdepartementet. Johansen skal arbeide i Ressurs- og havavdelinga. Avdelinga arbeider blant anna med ressursforvaltning, flåtestruktur, fiskeriøkonomi og havmiljø.

Johansen er 30 år og utdanna fiskerikandidat ved Noregs fiskerihøgskule i Tromsø.
Sverre Johansen har arbeidd i Fiskeri- og kystdepartementet sidan 2005 og han vart rådgjevar i 2007. Som avdelingsdirektør vert Sverre Johansen leiar for Ressursseksjonen. Denne seksjonen har forvaltningsansvaret for gjennomføringa av norsk fiske. Det omfattar den nasjonale ressursforvaltninga, kontroll med norsk og utanlandsk fiske, kvoteforhandlingar og internasjonale fiskeriavtalar.