Regjeringa foreslår at opphavsmannen til eit kunstverk skal ha vederlag ved profesjonelle vidaresal av originaleksemplar av verket (følgjerett).

Forslaget til endringar i åndsverklova og lov om avgift på omsetning av biletkunst gjennomfører eit EU-direktiv om følgjerett. Den noverande kollektive ordninga med avgift til Bildende Kunstneres Hjelpefond vert ført vidare, men det skal ikkje betalast avgift for sal som er omfatta av følgjeretten.

I den nye ordninga med vederlag foreslår regjeringa at vederlagssatsen som hovudregel skal vera 5 %, men at ordninga ikkje skal gjelde der prisen er lågare enn 3.000 euro.

Følgjeretten gjeld ikkje berre opphavsmannen, men også arvingane. Ei eigen organisasjon skal innkrevja og fordela vederlaget.