Budsjettauke for Operaen i Kristiansund og Dei Nynorske Festspela

Regjeringa gjer framlegg om ei auke i statstilskotet til Operaen i Kristiansund  med 1,4 millionar kroner i kulturbudsjettet for 2008.

– Operaen i Kristiansund er Noregs eldste opera og den største og mest aktive distriktsoperaen for framsyning av musikkteater og opera. Verksemda er basert på samarbeid mellom amatørar og profesjonelle, seier kultur- og kyrkjeminister Trond Giske.

– Dei nynorske festspela ved Nynorsk kultursentrum er viktig for det nynorske språket. Festspela har høg kunstnarleg kvalitet og god publikumsoppslutning. Difor vil vi styrke drifta med 1 million kroner i 2008, seier Giske.

Fleire styrka ordningar under Kulturrådet vil også koma Møre og Romsdal til gode. Festivalstøtte, ensemblestøtte, korsatsing, korpsstøtte og rockesatsinga er tiltak som skal fordelast over heile landet.