Historisk arkiv

Kulturbudsjettet for 2009:

Mange kulturtiltak i Finnmark får auka støtte

Historisk arkiv

Publisert under: Regjeringen Stoltenberg II

Utgjevar: Kultur- og kirkedepartementet

Regjeringa foreslår ei sterk samisk kultursatsing over Kultur- og kyrkjedepartementet sitt budsjett for 2009. Den samla auken til samiske kulturformål under Sametinget er på vel 8,4 millionar kroner og totalløyvinga er på 62 millionar kroner.

Regjeringa foreslår ei sterk samisk kultursatsing over Kultur- og kyrkjedepartementet sitt budsjett for 2009. Den samla auken til samiske kulturformål under Sametinget er på vel 8,4 millionar kroner og totalløyvinga er på 62 millionar kroner.

I tillegg er det forslag om å auke pressestøtta til dei samiske avisene med 3 millionar kroner til 21,6 millionar. Kvensk Institutt får 1 million kroner i auke, i alt 4,5 millionar kroner.

Stellaris DansTeater får ein auke på 1 million kroner, til 3,9 millionar kroner. Østsamisk museum i Neiden vil få eit investeringstilskot på 2,5 millionar, som er siste del av ei totalløyving på 42 millionar kroner. Bygget vil stå ferdig i år. Det er også fremja forslag om ei løyving på 2 millionar kroner til monument over ofre for hekseprosessar i Finnmark.

Varanger Museum får ein auke på 1 million kroner etter gjennomført konsolidering med Sør-Varanger museum.