Sterk satsing på scenekunst i Oslo – 2 millionar til Dramatikkens Hus

Regjeringa foreslår 2 millionar kroner til etablering av Dramatikkens Hus ved Det Åpne Teater.

Nationaltheatret får ein auke på 8,9 millionar til 144,3 millionar kroner, tilskotet til Det Norske Teatret aukar med vel 6,3 millionar til 128,1 millionar, og Black Box Teater får auka tilskotet med 1,5 millionar kroner, til vel 2,7 millionar kroner.

Dans er eit viktig satsingsområde på kulturbudsjettet i Oslo. Regjeringa foreslår ein auke i løyvinga på 2 millionar kroner for å etablere Riksscene for folkemusikk og folkedans og 1,5 millionar kroner til Rom for Dans, som no vil få fast plass på statsbudsjettet og elles 2 millionar kroner meir til Dansens Hus. For Contemporary Dance Festival (CODA) aukar tilskotet til 1 million kroner.

I budsjettet for 2009 vidarefører regjeringa opptrappingsplanen for Den norske Opera og foreslår at tilskotet blir auka med 40,2 millionar kroner til i alt 386,3 millionar kroner.  

På orkestersida er det foreslått ein auke på vel 8,6 millionar kroner til Oslo-Filharmonien, 1 million kroner til Nasjonal Jazzscene og 0,5 millionar til Det Norske Kammerorkester.

Det er også forslag om ei ny løyving på 0,75 millionar kroner til kulturformidling ved Voksenåsen. Stiftelsen Horisont/Mela får auka støtte med 1 million kroner til 4 millionar kroner. 

I Kultur- og kyrkjedepartementet sitt budsjett for 2009 er det foreslått budsjettauke til  desse kulturformåla i Oslo som er publikumsretta:                                                                  

Tiltak	Tilskot 2008	Samla auke	Forslag 2009
Center for Afrikansk kulturformidling	2 000	100	2 100
Cosmopolite Scene	1 500	100	1 600
Du Store Verden	2 500	200	2 700
Dramatikkens Hus – Det Åpne Teater		2 000	2 000
Nordic Black Theatre	5 000	300	5 300
Norsk Dramatikkfestival	481	119	600
NOTAM	2 684	1 000	3 684
Voksenåsen - kulturvirksomhet		750	750
Nobels fredssenter	21 353	3 000	24 353
Styrking av tiltak på arkitekturfeltet	25 353	3 616	28 969
Stiftelsen Fotogalleriet	895	189	1 084
Oslo-Filharmonien	99 265	8 656	107 921
Stiftelsen Horisont/Mela	3 000	1 000	4 000
Ultima	3 789	500	4 289
Øyafestivalen i Oslo	1 565	135	1 700
Det Norske Kammerorkester	5 439	500	5 939
Nasjonal Jazzscene	6 425	1 000	7 425
Oslo Kammermusikkfestival	1 200	200	1 400
Riksscenen folkemusikk og –dans – produksjonar og drift	2 557	2 000	4 557
Den Norske Opera og Ballett	346 138	40 230	386 368
Det Norske Teatret	121 721	6 356	128 077
Nationaltheatret	135 379	8 957	144 336
Dansens Hus	28 151	2 000	30 151
Oslo Danse Ensemble	1 207	53	1 260
Bårdar Danseteater – avgangsklassens turné	332	15	347
Contemporary dance festival Oslo Norway (CODA)	222	778	1 000
Rom for Dans		1 500	1 500
Black Box Teater AS	1 227	1 500	2 727
Den Unge Scenen	1 500	350	1 850
Norsk Barnebokinstitutt - forfatterutdanningen	5 246	1 000	6 246
Jødisk Museum i Oslo	1 841	500	2 341
Arbeiderbevegelsens arkiv og bibliotek	5 067	500	5 567
Christian Radich - vedlikehald			500

Det er foreslått auke i tilskota til ei rekkje kulturformål som har ein meir landsdekkjande funksjon, og som ikkje er nemnde her.