Satsing på teater og dans i Oslo

Tilskotet til Riksscenen for folkemusikk, joik og folkedans aukar med 13,4 millionar til 18 millionar kroner. Riksscenen opnar i nye lokale i Schous Kulturbryggeri i 2010.

Scenen skal vere ein møteplass for sektoren og publikum. Dei nye lokala gir grunnlag for forsterka satsing på publikumsbygging.

Stiftelsen Horisont/Mela får ein auke på 1 million kroner slik at tilskotet for 2010 vil verte på 5 millionar kroner.

Oslo-Filharmonien vil få ein auke på 10 millionar kroner, til 117,9 millionar kroner i 2010. Forslaget skal mellom anna dekkje auka pensjonskostnader.

Tilskotet til Cikada og Oslo Sinfonietta aukar med 250 000 kroner. Dette vil gje eit tilskot på 2,3 millionar kroner i 2010. CODA – Oslo International Dance Festival får ein auke på 50 prosent i høve til 2009, frå 1 til 1,5 millionar kroner. Auken skal gå til styrking av drifta og gjennomføring av CODA-festivalen som vert arrangert annakvart år.      

Tilskotet til Det Norske Kammerorkester aukar med 1 million kroner til 6,9 millionar kroner. Oslo Kammermusikkfestival får ein auke på 250 000 kroner. Dette gir eit tilskot på om lag 1,6 millionar kroner i 2010.

Den Norske Opera & Ballett får eit samla tilskot på 440,4 millionar kroner i 2010. Dette er ein auke på 54 millionar kroner jamført med 2009. Auken skal styrkje den kunstnarlege verksemda, dekkje auka pensjonskostnader og elles gå  til vedlikehald og anna drift. Tilskotet til Danseinformasjon aukar med 300 000 kroner for å styrkje statistikkarbeidet.

Tilskotet til Nationaltheatret aukar med 11 millionar kroner. Påslaget skal dekkje auka pensjonskostnader og sikre godt og systematisk vedlikehald av Nationaltheaterbygningen. Det Norske Teatret får ein auke på 9 millionar kroner. Dette gir eit totalt tilskot på 137,1 millionar kroner i 2010. Oslo Danse Ensemble får ein auke på 300 000 kroner og vil få eit samla tilskot på om lag 1,6 millionar kroner. Den Unge Scenen vil få auka tilskotet med 250 000 kroner til 2,1 millionar kroner i 2010.

Nasjonalmuseet for kunst, arkitektur og design vil få ein auke med over 11 millionar kroner i 2010. Dette vil mellom anna leggje til rette for eit samarbeid mellom Nasjonalmuseet og Kulturetaten i Oslo kommune om å førebu feiringa av Munch-jubileet i 2013. Auken i tilskotet gjer at museet også kan opprette ei eiga prosjektleiarstilling for å vareta brukarinteressene i det store byggjeprosjektet på Vestbanen. Om lag 1,5 mill. kroner av auken i løyvinga gjeld restinnfasing av spelemidlar frå Den kulturelle skulesekken til det ordinære statsbudsjettet.

2010 blir første heile driftsåret for Dramatikkens Hus. Tilskotet blir på totalt 11,5 millionar kroner. Tilskotet som for 2009 vart gitt til Det Åpne Teater, inngår i tilskotet til Dramatikkens Hus. Du Store Verden vil få ein auke på 350 000 kroner til 3 millionar kroner i 2010.

Vidare er tilskotet til Noregs Mållag auka med 500 000 kroner til 3,5 millionar kroner. Tilskotet skal gå til arbeidet med å styrkje nynorsk skriftkultur på alle samfunnsfelt.

Norsk Form vil få ein auke i tilskotet på 3,2 millionar kroner . Av dette skal 2,5 millionar kroner brukast til oppfølging av regjeringas plandokument for den norske arkitekturpolitikken. Norsk Form vil til saman få eit tilskot på 26,2 millionar kroner. Til plandokumentet er det også sett av 1 million kroner i 2010 til vidareutvikling av DogA – Norsk Design- og Arkitektursenter.

Norske Tekstilkunstnere vil få ei budsjettauke på 200 000 kroner til styrking av organisasjonen. Tegnerforbundet vil få den same auken. Unge Kunstneres Samfund vil få ein auke i tilskotet på 500 000 kroner, frå 2,3 til 2,8 millionar kroner.

Den totale løyvinga over KKDs budsjett til Oslo  i 2010 er på 1,48 milliardar kroner.

Tiltak                      Alle beløp i 1000-kroner	Vedtak 2009	Endring	Forslag 2010
Arbeiderbevegelsens Arkiv og Bibliotek	5 567	500	6 067
Black Box Teater AS	2 727	200	2 927
Cikada og Oslo Sinfonietta	2 088	250	2 338
CODA	1 000	500	1 500
Danseinformasjon (Senter for dansekunst)	3 369	300	3 669
Den Norske Opera & Ballett	386 368	54 054	440 422
Den Unge Scenen	1 850	250	2 100
Det Norske Kammerorkester	5 939	1 000	6 939
Det Norske Teatret	128 077	9 000	137 077
Dramatikkens Hus	6 110	5 390	11 500
Du Store Verden	2 700	350	3 050
Emanuel Vigelands Museum	136	50	186
Nasjonal Jazzscene	7 425	500	7 925
Nasjonalmuseet for kunst, arkitektur og design	233 589	11 235	244 824
Nationaltheatret	144 086	11 000	155 086
Nobels fredssenter	24 353	1 000	25 353
Nordic Black Theatre	5 300	500	5 800
Noregs Mållag	3 017	500	3 517
Norsk Folkemuseum/2009: Eidsvoll 1814	83 346	3 663	87 009
Norsk Form	22 975	3 235	26 210
Norsk Nettverk for Teknologi Akustikk og Musikk (NoTAM)	3 684	500	4 184
Norsk Teknisk Museum	23 874	2 000	25 874
Norske Tekstilkunstnere	1 033	200	1 233
Oslo Danse Ensemble (ODE)	1 260	300	1 560
Oslo Kammermusikkfestival	1 400	250	1 650
Oslo museum	7 797	500	8 297
Oslo-Filharmonien	107 921	10 000	117 921
Riksscene for folkemusikk, joik og folkedans	4 557	13 443	18 000
Stiftelsen Horisont/Mela	4 000	1 000	5 000
Tegnerforbundet	1 290	200	1 490
ULTIMA - Oslo Contemporary Music Festival	4 289	500	4 789
ULTIMA – husleigekostnader	1 723	55	1 778
Unge Kunstneres Samfund (UKS)	2 317	500	2 817
Vidareutvikling av DogA		1 000	1 000
Holmenkollen nasjonalanlegg - kap. 315, ny post 80		10 000	10 000