1,1 milliard meir til Oslo neste år

Regjeringa foreslår 1,1 milliard kroner i samla nominell vekst i frie inntekter til Oslo neste år. - Det vil styrka det lokale velferdstilbodet, seier kommunal- og regionalminister Magnhild Meltveit Kleppa.

Den nominelle veksten i frie inntekter til kommunar og fylkeskommunar skal dekka både prisveksten og den reelle styrkinga av inntektene.

Regjeringa foreslår 8 milliardar kroner i samla realvekst til kommunesektoren i 2010. Av dette er 4,2 milliardar frie inntekter.

- 8 milliardar kroner meir vil gi større høve til å fylgja opp den einskilde eleven, sikra ei meir verdig omsorg og sjå dei barna som treng hjelp frå barnevernet. Kommunane er ulike. Mange slit med underskot. Midlane kjem til å bli brukt ulikt lokalt. 8 milliardar utgjer uansett ein forskjell, seier Kleppa.

Nominell vekst i frie inntekter for Oslo som kommune og  fylkeskommune
		Vekst fra RNB		Vekst fra anslag
		2009-2010		på regnskap 2009-2010
	Anslag på	Nominelle	Prosent	Nominelle	Prosent
	frie	kroner		kroner
	inntekter
	2010
	(1 000 kr)	(1 000 kr)		(1 000 kr)
	1	2	3	4	5
Fylke
03 Oslo	4 733 317	226 553	5,0	192 999	4,3
Kommune
0301 Oslo	19 751 464	867 182	4,6	734 391	3,9
Oslo samlet	24 484 781	1 093 735	4,7	927 390	3,9

Dei nominelle veksttala for einskildkommunar skal og dekka kostnadsauken frå 2009 til 2010. Denne er berekna til 3,1 prosent. 

• Forklaring til tabellen (pdf)

Kommunal- og regionaldepartementet sin pressetelefon: 22 24 25 00.