Noreg fordømer sjølvmordsåtaka i Afghanistan
Historisk arkiv
Publisert under: Regjeringen Stoltenberg II
Utgjevar: Utenriksdepartementet
Pressemelding | Dato: 07.12.2011
Noreg fordømer på det sterkaste dei to sjølvmordsåtaka som kravde minst 59 menneskeliv i Kabul og fire i Mazar-e-Sharif under den sjia-muslimske høgtida Asjura på tysdag.
Noreg fordømer på det sterkaste dei to sjølvmordsåtaka som kravde minst 59 menneskeliv i Kabul og fire i Mazar-e-Sharif under den sjia-muslimske høgtida Asjura på tysdag.
- Vi kondolerer dei som har mista sine kjære i åtaka. Ikkje noko kan rettferdiggjera slike vilkårlege og meiningslause drap. Åtak på religiøse og andre minoritetar undergrev dei freistnadene det afghanske folket gjer for å byggja eit stabilt, demokratisk og fredeleg land, seier utanriksminister Jonas Gahr Støre.
Bonn-konferansen 5. desember viste at det internasjonale samfunnet står samla og solidarisk med folket i Afghanistan.
- Noreg ynskjer eit langsiktig samarbeid med styresmaktene i Afghanistan, for å skapa framgang og eit normalt fungerande samfunn. Saman må vi kjempa mot alle former for terrorisme og valdsbruk, religiøs og etnisk intoleranse, seier utanriksminister Støre.