Høringsbrev

Høyring – forslag til endringar i inkassolova som følgje av parlaments- og rådsdirektiv 2005/36/EF og rådsdirektiv 92/51/EØF som endra ved parlaments- og rådsdirektiv 2001/19/EF

Justisdepartementet sender med dette på høyring forslag til endringar i lov 13. mai 1988 nr. 26 om inkassovirksomhet og annen inndriving av forfalte pengekrav (inkassoloven),  jf. vedlagte høyringsnotat. Formålet med forslaget er å bringe inkassolova i samsvar med EU-direktiva om gjensidig godkjenning av yrkeskvalifikasjonar.

Direktivteksten til parlaments- og rådsdirektiv 2005/36/EF om godkjenning av yrkeskvalifikasjonar er lagt ved i engelsk versjon. Andre språkversjonar er tilgjengelege på internettsida: http://eur-lex.europa.eu/.

Høyringsfristen er 4. juni 2007. Høyringsfråsegnene skal sendast til Justisdepartementet, Lovavdelinga, Postboks 8005 Dep, 0030 Oslo. Vi ber om at fråsegnene også blir sende elektronisk til følgjande adresse: per.sigvald.wang@jd.dep.no.

Ei liste over adressatane er lagt ved. Vi ber om at adressatane legg høyringsbrevet fram for eventuelle underliggande etatar og organ som saka vedkjem. Ein kan få fleire eksemplar av høyringsbrevet ved å vende seg til Justisdepartementets lovavdeling, tlf. 22 24 53 62 eller 22 24 53 63.

Med helsing

Inge Lorange Backer e.f.
ekspedisjonssjef

Tore Fjørtoft
lovrådgivar