Høyringsbrev
Høringsbrev | | Arbeids- og inkluderingsdepartementet
Høyring - rett til redusert arbeidstid for arbeidstakarar over 62 år
Arbeids- og inkluderingsdepartementet viser til vedlagte høyringsnotat med forslag om endringar i arbeidsmiljølova som styrkjer retten til redusert arbeidstid for arbeidstakarar over 62 år.
Bakgrunnen for forslaget er at Regjeringa i St.meld. nr. 5 (2006–2007) om opptening og uttak av alderspensjon i folketrygda har gjort framlegg om at alderspensjonen til folketrygda skal kunne takast ut heilt eller delvis etter fylte 62 år, og at det skal vere mogleg å kombinere arbeid og pensjon utan avkorting av pensjonen. På denne måten vil pensjonssystemet støtte opp om ei gradvis nedtrapping og kan medverke til at fleire står lenger i arbeid enn dei elles ville gjort. Det er då ein føresetnad at arbeidstakarar over 62 år verkeleg får høve til å arbeide redusert tid.
Vi ber om eventuelle merknader til høyringsforslaget innan 31. august 2007.
Med helsing |
|
Vedlegg: Høyringsnotat