Høringsbrev

Invitasjon til høyringsmøte 10. januar 2008 om tomtefeste

Justisdepartementet inviterer med dette til høyringsmøte 10. januar 2008 kl. 0930 – 1200. Møtet finn stad i auditoriet i R5, Akersgata 59, og vil bli leia av ekspedisjonssjef Inge Lorange Backer.

Temaet for høyringsmøtet er endringar i tomtefestelova § 37 første ledd om innløysingssum. Bakgrunnen er Høgsteretts dom 21. september 2007 i Sørheimsaka (Rt. 2007 s. 1308), der fleirtalet konkluderte med at føresegna om innløysing til 40 prosent av råtomtverdi etter omstenda kan leie til resultat som er i strid med Grunnlova § 105. I det vedlagde høyringsnotatet er det gjort nærmare greie for temaet. Høyringsnotatet er òg tilgjengeleg på: http://www.regjeringen.no/nb/dep/jd/dok/hoeringer.html?id=1922.

Påmelding med namn og tal på deltakarar må skje seinast 4. januar 2008 til forkontoret i Justisdepartementets lovavdeling, tlf. 22 24 53 62, eller ved e-post til mona.kristensen@jd.dep.no.

Det vil vere høve til å kome med skriftlege innspel etter møtet. Fristen for slike innspel blir sett til 30. januar 2008. Eventuelle innspel skal sendast til Justisdepartementet, Lovavdelinga, Postboks 8005 Dep, 0030 Oslo. Dersom det let seg gjere, ber vi om at innspela i tillegg blir sende per e-post som word-filer til: tore.fjortoft@jd.dep.no.

Med helsing


Inge Lorange Backer e.f.
ekspedisjonssjef

Tore Fjørtoft
lovrådgivar