Høyringsbrev

Høyringsinstansar

Høyring - Lokaldemokratikommisjonen si andre utgreiing - NOU 2006:7 Det lokale folkestyret i endring. Om deltaking og engasjement i lokalpolitikken

Lokaldemokratikommisjonen blei oppnemnt og gitt mandat ved Kronprinsregenten sin resolusjon av 12. mars 2004. Kommisjonen leverte si andre (og siste) delutgreiing NOU 2007:7 Det lokale folkestyret i endring? Om deltaking og engasjement i lokalpolitikken 4. april 2006.

Utgreiinga omhandlar situasjonen for lokaldemokratiet. Sentrale tema er:

• Valdeltakinga ved lokalval. Kommisjonen omtalar den fallande valdeltakinga ved lokalval og vurderer kva denne utviklinga betyr for lokaldemokratiet.
• Ulike tiltak for å få opp valdeltakinga ved lokalval.
• Situasjonen for dei politiske partia i lokalpolitikken.
• Rekruttering og representativitet i lokalpolitikken.
• Ulike deltakingsformer utanom det representative lokaldemokratiet.
• Kommunal organisering og lokaldemokrati.
• Frivillige organisasjonar og lokaldemokratiet.

Kommisjonen si andre utgreiing vert med dette sendt ut på høyring.

Vi ber om at høyringsinstansane som står på lista som ligg ved dette brevet vidareformidlar brevet til underliggjande instansar eller andre organ/organisasjonar som ikkje står på lista, men som vil kunne ha synspunkt på forhold som vert behandla i utgreiinga.

Utgreiinga kan lastast ned over Internett på følgjande adresse: www.lokaldemokrati.no

Fleire eksemplar av den trykte utgåva kan bestillast. Offentlege institusjonar kan bestille hjå Departementenes servicesenter ved Kopi- og distribusjonsservice på www.publikasjoner.dep.no eller e-post: publikasjonsbestilling@dss.dep.no. Bestillingar frå andre skal gå til Akademika. Bestilling frå Akademika kan gjerast på tlf. 22 18 81 00 el 800 80 960 (grønt nummer) , e‑post: offpubl@akademika.no, eller ved å gå inn på www.akademika.no.

Fristen for å gi høyringssvar er 1. oktober 2006.

Med hilsen

Saksbehandlar: Seniorrådgjevar Dag Vestrheim tlf. 22 24 72 23, e-post: dag.vestrheim@krd.dep.no