Ulvik herad er positiv til forenkling og modernisering av lovverket for bruk og forvaltning av statsallmenningane og stettar lovutvalsfleirtalet sitt framlegg til lovtekst, på fylgjande premissar:
Statsallmenningane skal forvaltast i eit særs langsiktig perspektiv.
Forvaltninga skal vere berekraftig.
Dei fornybare resursane skal i størst mogeleg grad brukast, på berekraftig vis.
Verdiskapinga frå statsallmenningane skal leggjast att lokalt, der verdiane er skapt.
Jordbruket sine bruksrettar skal ivaretakast (utan at gå på nemneverdig kostnad av fellesinteressene).
Lokalpolitisk forankring og lokalt sjølvstyre er viktig.
Fjellstyret må ha riktig og tilstrekkeleg kompetanse, kapasitet og resursar, og klare rammevilkår i høve til heradet som planstyresmakt, regionale planer og annan offentleg rettsleg regulering.