Høringssvar fra Norddal kommune
Endring i reglane om eigedomsskatt på verk og bruk - Uttale frå Norddal kommune
Svartype:
Med merknad
Framlegg til endringar i Eigedomsskattelova for eigedomsskatt på verk og bruk vart behandla i Formannskapet i Norddal kommune i møte 7.9.15.
Det vart gjort følgjande vedtak:
Norddal kommune vil gje følgjande merknader til framlegg om endringar i Eigedomskattelova, jfr høyringsnotat av 18.6.15 frå Finansdepartementet:
- Norddal kommune støttar ikkje framlegget til endringar, dette gjeld både alternativ 1 og alternativ 2 til endringar i regelverket om eigedomsskatt på verk og bruk
- Norddal kommune kan ikkje godta endringar som gjer at våre noverande inntekter frå eigedomskatt vert redusert med om lag kr 700.000. Dette gjev redusert økonomisk handlingsrom for kommunen.
- Norddal kommune kan ikkje godta at mulegheit til å skrive ut eigedomsskatt på linjenett o.l. går ut. Slik skattlegging kan gje ein viss kompensasjon for dei ulemper denne type anlegg påfører lokalsamfunnet.