Høyringsbrev
Høringsbrev | | Kommunal- og distriktsdepartementet
Dykkar ref | Vår ref | Dato |
|
12/1701-1 |
26.06.2012 |
Offentleg høyring av framlegg til endringar i inndelingslova
Inndelingslova er no ti år, og departementet har gått gjennom lova og erfaringane med ho. Kommunal- og regionaldepartementet ber om synspunkt på framlegg til endringar i inndelingslova. Siktemålet med endringane er å gje kommunane og fylkeskommunane ei best mogleg rettsleg regulering ved lokalt initierte prosessar om inndelingsendringar. Høyringsnotatet kan ein finne på departementet sine nettsider: www.regjeringa.no/krd
Departementet vil vurdere framlegga på nytt når vi har lese fråsegnene som kjem inn til oss under høyringa. Vi ber om å få fråsegnene innan 10. oktober 2012. Fråsegnene kan sendast til postmottak@krd.dep.no eller til Kommunal- og regionaldepartementet, Postboks 8129, Dep, 0032 Oslo, merka sak 12/1701.
Vi gjer merksam på at alle kan sende inn sine synspunkt. Fråsegnene vil bli lagt ut på nettsida til departementet.
Med helsing
Erik Kjeldstadli (e.f.)
ekspedisjonssjef
Sølve Monica Steffensen
avdelingsdirektør
Dette dokumentet er elektronisk godkjent og sendast utan signatur.