Høyringsbrev

Høyring - forslag til lovendringar for gjennomføring av avtale om overleveringsprosedyre mellom medlemsstatane i Den europeiske union og Island og Noreg (arrestordre) m.m.  

Justisdepartementet sender med dette på høyring forslag til endringar i lov om nordisk arrestordre som skal gjennomføre avtale om overleveringsprosedyre mellom medlemsstatane i Den europeiske union og Island og Noreg (arrestordre). Høyringsnotatet inneheld også forslag om ei ny føresegn i straffeprosessloven kapittel 32 om fullføring av dom.

Avtalen og bakgrunnen for den er skildra i punkt 1, 3 og 4 i notatet. Ei oversikt over hovudpunkta i lovendringsforslaget finn ein i punkt 2. I punkt 15 har ein både tatt inn lovendringsforslaget med endringane viste i kursiv, og i tillegg har ein tatt med lovteksta slik ho vil sjå ut dersom dei endringane som er foreslått blir gjennomførte. Avtalen mellom Den europeiske union og Island og Noreg som ligg til grunn for forslaget, følgjer med som vedlegg.

Departementet ber om høyringsinstansane sitt syn på forslaga i høyringsnotatet. Høyringsfristen er 1. april 2010. Høyringsfråsegna sendast til Justisdepartementet, Lovavdelinga, postboks 8005 Dep, 0030 Oslo.

Departementet ber om at høyringsinstansane vurderer om høyrings¬brevet bør leggast fram for eventuelle underliggande instansar som ikkje er ført opp på lista over adressatar.

 
Høyringsbrevet og høyringsnotatet er publisert på www.regjeringen.no/nb/dep/jd/dok/hoeringer.html?id=1922.

 

Med helsing

Tonje Meinich
kst. avdelingsdirektør

Birgitte Istad
rådgjevar