Erklæring frå EU om Moldova

Erklæring frå den høge representanten på vegner av Den europeiske unionen om at visse tredjeland sluttar seg til rådsavgjerd 2011/641/FUSP om endring av avgjerd 2010/573/FUSP om restriktive tiltak retta mot leiinga i Transnistria-området i Republikken Moldova (141011) 

29. september 2011 vedtok Rådet avgjerd 2011/641/FUSP1. Rådet vidarefører reiserestriksjonane for visse personar i Republikken Moldova og oppdaterer lista over personar som er omfatta av restriktive tiltak som fastsett i vedlegg I og II til avgjerd 2010/573/FUSP. 

Formålet med denne erklæringa er å kunngjere at følgjande land har erklært at dei deler målsetjingane i rådsavgjerd 2011/641/FUSP:

Søkjarlanda Tyrkia, Kroatia*, Den tidlegare jugoslaviske republikken Makedonia *, Montenegro* og Island+, dei potensielle søkjarlanda Albania, Bosnia-Hercegovina og Serbia, som er med i stabiliserings- og assosieringsprosessen, EFTA-landa Liechtenstein og Noreg, som er medlemer av Det europeiske økonomiske samarbeidsområdet, Aserbajdsjan og Georgia.

Dei vil sørgje for at den nasjonale politikken deira er i samsvar med denne rådsavgjerda.

Den europeiske unionen merkjer seg dette engasjementet og seier seg glad for det.

-----------

1 Kunngjord 30.9.2011 i Tidend for Den europeiske unionen L 254, s. 18.

* Kroatia, Den tidlegare jugoslaviske republikken Makedonia og Montenegro er framleis med i stabiliserings- og assosieringsprosessen.

+ Island er framleis medlem av EFTA og Det europeiske økonomiske samarbeidsområdet.