Erklæring frå EU om Libya

Erklæring frå den høge representanten på vegner av Den europeiske unionen om at visse tredjeland sluttar seg til rådsavgjerd 2011/332/FUSP og rådsavgjerd 2011/345/FUSP som gjennomfører rådsavgjerd 2011/137/FUSP om restriktive tiltak i lys av situasjonen i Libya (130711)

7. juni 2011 vedtok Rådet rådsavgjerd 2011/332/FUSP1. Rådsavgjerda inneheld endringar i listene over personar og einingar som er omfatta av restriktive tiltak som fastsett i vedlegg IV til avgjerd 2011/137/FUSP.

6. juni 2011 vedtok Rådet rådsavgjerd 2011/345/FUSP2. Rådsavgjerda inneheld endringar i listene over personar og einingar som er omfatta av restriktive tiltak som fastsett i vedlegg IV til avgjerd 2011/137/FUSP.

Formålet med denne erklæringa er å kunngjere at følgjande land har erklært at dei deler målsetjingane i rådsavgjerd 2011/332/FUSP og rådsavgjerd 2011/345/FUSP: 

Søkjarlanda Kroatia*, Den tidlegare jugoslaviske republikken Makedonia *, Montenegro* og Island+, dei potensielle søkjarlanda Albania og Serbia, som er med i stabiliserings- og assosieringsprosessen, EFTA-landa Liechtenstein og Noreg, som er medlemer av Det europeiske økonomiske samarbeidsområdet, Armenia og Georgia sluttar seg til denne erklæringa. 

Dei vil sørgje for at den nasjonale politikken deira er i samsvar med denne rådsavgjerda. 

Den europeiske unionen merkjer seg dette engasjementet og seier seg glad for det. 

[1] Kunngjord 8.6.2011 i Tidend for Den europeiske unionen L 149, s. 10.

2 Kunngjord 17.6.2011 i Tidend for Den europeiske unionen L 159, s. 93.

* Kroatia, Den tidlegare jugoslaviske republikken Makedonia og Montenegro er framleis med i stabiliserings- og assosieringsprosessen.

+ Island er framleis medlem av EFTA og Det europeiske økonomiske samarbeidsområdet.