Funksjonsnedsetjingar

Barne- og likestillingsdepartementet har ansvar for nasjonal likestilling- og diskrimineringslovgjeving, som mellom anna forbyr diskriminering på grunn av nedsett funksjonsevne. I tillegg har departementet eit overordna ansvar for å koordinere regjeringas politikk for menneske med nedsett funksjonsevne ovanfor andre departement. Sektordepartementa har ansvar på eigne sektorområde. 

Departementet har årlege møter med Funksjonshemmedes Fellesorganisasjon (FFO) og Samarbeidsforumet av funksjonshemmedes organisasjoner (SAFO) om kommande statsbudsjett, departementet har òg årlege møter med Unge funksjonshemmede. 

I tillegg inviterer statsråden til årlege politiske rundebordskonferansar med FFO, SAFO og Unge funksjonshemmede og andre statsrådar om aktuelle tema. Dei tre organisasjonane samarbeider også med Bufdir om, på vegne av departementet, å markera den internasjonale FN-dagen for menneske med nedsett funksjonsevne kvart år den 3. desember. 

 

Barne-, ungdoms- og familiedirektoratet (Bufdir) er fagdirektorat

Bufdir er departementets fagdirektorat for politikken for menneske med nedsett funksjonsevne. Direktoratet har ei eiga informasjonsside om nedsett funksjonsevne. Bufdir har som mål å bidra til at personar med nedsett funksjonsevne kan ta del i samfunnet på lik linje med andre. 

Bufdirs oppgåver omfattar mellom anna:

• Tilskot til funksjonshemmas organisasjonar og fritidstiltak for personar med nedsett funksjonsevne. Alle statlege tilskott til frivillige er samla på ei felles side på Regjeringa.no. Her finn ein alle tilskott til personer med nedsett funksjonsevne. Bufdir forvaltar tilskotsordninga. Sjå meir informasjon og søknadsskjema om ordningane.
• Dokumentasjon om situasjonen for menneske med nedsett funksjonsevne med eigne tal og statistikk. Ei nettside over Levekårsstatus blei etablert i 2015.
• Ei anna kjelde for informasjon om personar med nedsett funksjonsevne er programmet Rettssikkerhet for personer med utviklingshemming.