Kommunar og fylkeskommunar får 4,385 milliardar kroner som skjønnstilskot neste år. Av dette er 1,465 milliardar kroner brukt til kompensasjon til dei som tapte på at inntektssystemet blei lagt om i 1997. 2,92 milliardar kroner er fordelt som vanleg skjønnstilskott, og fordeler seg med 2,024 milliardar kroner på kommunane og 0,896 milliardar kroner på fylkeskommunane.

Innafor skjønnsramma til kommunane er 550 millionar kroner gitt til dei som har store utgifter som følgje av særleg ressurskrevjande brukarar av kommunale tenester. Innafor skjønnstilskotet er det òg løyvt midlar til kommunar som har fått større utgifter etter endringar i folketalet. Kommunar og fylkeskommunar som taper på at inntektssystemet blir lagt om, får ekstra løyvingar.

For neste år har fylkesmennene fått delegert mynde til å fordele vanleg skjønn til dei enkelte kommunane.