- Samferdselsdepartementet arbeider no med opplegget for ei landsomfattande ordning med ungdomskort. Ei slik rabattordning kan vere med på å få ein større del av dei unge til å reise kollektivt. Eg tar sikte på at saka skal leggjast fram for Stortinget i samband med forslag til statsbudsjett for 2002, opplyser samferdselsminister Terje Moe Gustavsen.

Ei orientering om arbeidet med saka er tatt inn i eit forslag som blei lagd fram i statsråd i dag, og som gjeld ein del saker på ansvarsområdet til Samferdselsdepartementet. I orienteringa blir det mellom anna vist til at omlag halvparten av fylkeskommunane allereie har innført ulike ordningar med ungdomskort.

Sjå elles: St.prp. nr 76 (2000-2001) Om ein del saker på Samferdselsdepartementets område.