Beaiveruđat

Almmustahttináigodat Solberga ráđđehus

Almmustahtti:

Bargguhisvuođa beaiveruđat leat álbmotoaju doarjja, mii gokčá dihto muddui massojuvvon bargodietnasa, go olmmoš lea bargguheapmin.

Beaiveruđain leat guokte ulbmila: Dat galget gaskaboddasaččat sihkkarastit dietnasa, go olmmoš lea massán barggu, muhto dat galgá seammás leat láhččojuvvon dan láhkai, ahte dat movttiidahttá aktiivvalaččat ohcat barggu.

Dan láhkai beaiveruđat eai leat dušše okta álbmotoaju dienassihkkarastinortnegiin, muhto maiddái bargomárkanpolitihkalaš gaskaoapmi. 

Geas lea vuoigatvuohta beaiveruđaide?

Beaiveruđaid sáhttet juolludit olbmuide, geaid bargoáigi lea geahpeduvvon unnimusat 50 proseanttain bargguhisvuođa geažil, ja geaid dienas lea geahppánan dan geažil. Bargguhis olmmoš sáhttá oažžut beaiveruđaid eanemusat 52 vahku, jos boahtu ovdal lei vuollil 2 G, ja muđui eanemusat 104 vahku.

Mo beaiveruđat rehkenastojit?

Beaiveruđat rehkenastojit dietnasa vuođul mii olbmos lei olles mannan kaleanddarjagis, vejolaččat golmma maŋimuš olles kaleanddarjagi dietnasa gaskameari vuođul, jos dan vuođul šaddá stuorát submi.

Loga eanet beaiveruđaid rehkenastima birra BČR neahttasiidduin  

Luopmuduvvon bargiin sáhttá maid leat vuoigatvuohta beaiveruđaide

Luopmudeapmi (permitteren) mielddisbuktá, ahte bargogaskavuohta boatkana gaskaboddasaččat nu ahte bargi luvvejuvvo gaskaboddasaččat iežas bargangeatnegasvuođas, seammás go fitnodat luvvejuvvo gaskaboddasaččat bálkkámáksingeatnegasvuođas dárkileappot meroštallojuvvon áigodagas. Beaiveruđaid oažžun luopmudeami áigge eaktuda, ahte luopmudeami sivvan lea bargovátnivuohta dahje eará dilit, maidda bargoaddi ii sáhte ieš váikkuhit. Dasa lassin fertejit dievvat oppalaš eavttut, mat gusket beaiveruđaid vuoigatvuhtii.

Loga eanet luopmudannjuolggadusaid birra NBČ neahttasiidduin

Stáhta lea álbmotoadjolága 4. kapihttala vuođul, mii gieđahallá bargguhisvuođa beaiveruđaid ja luomudanbálkágeatnegasvuođalága vuođul váldán ovddasvástádusa oasis luopmudeami ruđalaš čuovvumušain. Oasi goluin gokčá bargoaddi (bargoaddiáigodat), oasi bargi (vuordinbeaivvit) ja oasi stáhta (beaiveruhta luopmudeami áigge).

Geahča maiddái Bargobearráigeahču siidduin: Luopmudeami diehtosiidu

Luopmudanvuoigatvuohta ii leat nannejuvvon lágain

Vejolašvuohta luopmudit ja luopmudeami dárkilut eavttut eai leat nannejuvvon lágain, muhto dat sáhttet čuovvut tariffašiehtadusa, oktagaslaš bargosoahpamuša dahje ovdánan vieruiduvvan vuoigatvuođaid. Bargosuorggi oassebealit leat Váldošiehtadussii  šiehtadan luopmudeami mearrádusaid. Dat leat šaddan geavada vuođđun maiddái soahpamuša olggobealde.

Lágat

Bargo- ja sosiáladepartemeanttas lea ovddasvástádus dáid lágain ja láhkaásahusain, mat gusket bargguhisvuođa beaiveruhtii: