Ovddasvástádussuorggit ja váikkuhangaskaoamit

Almmustahttináigodat

Almmustahtti: Bargo- ja sosiáladepartemeanta

Bargo- ja čálgoetáhtas lea ovddasvástádus čađahit bargomárkanpolithihka ja iešguđet bargomárkandoaibmabijuid. Áigumuš lea sáhttit dievaslaččat čuovvolit daid olbmuid geat dárbbašit veahki dahje gelbbolašvuođa beassat bargui.

Bargo- ja čálgoetáhtas lea ovddasvástádus čađahit bargomárkanpolithihka ja iešguđet bargomárkandoaibmabijuid. Áigumuš lea sáhttit dievaslaččat čuovvolit daid olbmuid geat dárbbašit veahki dahje gelbbolašvuođa beassat bargui.

Bargguhemiid várás deattuhuvvo árjjalaš bargoohcan miehtá barggushisvuođaáigodaga. Diehtojuohkin, gaskkusteapmi, ráđđeaddin ja ovttskas bargguheami lagaš čuovvoleapmi leat dehálaččat vai bargoohcci buoremus lági mielde ieš sáhttá fidnet barggu. Muhtun bargoohccit nu go guhkesáiggibargguheamit, sisafárrejeaddjit, nuorat ja bargonávccaheamit sáhttet dattetge dárbbašit stuorát veahki dábálaš bargomárkandoaibmabijuid dahje erenoamáš bargomárkandoaibmabijuid bokte.

Dábálaš bargomárkandoaibmabijut nu go ovdmearkka dihtii oahpaheapmi, bargohárjáneapmi, bálkádoarjja, geavahuvvojit dábálaččat maŋŋágo bargoohcan ja Bargo- ja čálgoetáhta čuovvoleapmi ii leat veahkehan beassat dábálaš bargui. Dakkár doaibmabijut leat dehálaš reaiddut erenoamážit guhkesáigebargguhemiid, nuoraid ja sisafárrejeaddjiid várás.

Earret dábálaš bargomárkandoaibmabijuid sáhttet bargonávccahemiid várás geavahuvvot erenoamáš bargomárkandoaibmabijut. Go barguimáhcahangeaidnu ja doaibmabidju válljejuvvojit, de galget juohkehačča eavttut ja vejolašvuođat biddjojuvvot vuođđun, vai son beassá oassálastit bargoeallimii, ja dasto galget maiddái bargomárkana dárbbut biddjojuvvot vuođđun.