Mánáid ja nuoraid searvan ja váikkuheapmi

Almmustahttináigodat

Almmustahtti: Mánáid-, dásseárvo- ja searvadahttindepartemeanta

Mánáid-, dásseárvo- ja searvadahttindepartemeanta fuolaha geažus áiggi mánáid ja nuoraid rivttiid váikkuhit iežaset árgabeaivái ja servodahkii. Departemeanta ovddida dáid rivttiid searvama ja doarjagiid bokte gielddaide, iešguđet almmolaš ásahusaide ja eaktodáhtolaš organisašuvnnaide. Dán barggus lea dehálaš movttiidahttit lonohallat jurdagiid ja vásihusaid.

Nuoraid fápmočilgehus

Ráđđehus nammadii jagi 2010 almmolaš váljajoavkku mas lei mandáhta čielggadit nuoraid fámuid ja searvama. Váljajoavku gohčodii iežas Nuoraid fápmočilgehus ja jođihuvvui Trond-Viggo Torgersen bokte.  Nuorra olbmot servet eanet go ovdal eahpesajáiduvvan politihkalaš oktavuođaide.  Lea dehálaš diehtit nuorra olbmuid vejolašvuođaid váikkuhit ja hábmet servodaga ovdáneami.  Lávdegoddi lea árvvoštallan árvalusaid ja doaibmabijuid mat ovddidit nuoraid searvanvejolašvuođaid. Lassin dábálaš fápmo ja searvan gulahallangaskaomiid, de leat nuoraid vejolašvuođat hálddašit iežaset eallima  ja fápmu leamaš vuolggasadjin čielggadeapmái. Lávdegoddi lea bidjan fuomášumi nuoraide gaskal 12-26 jagi.  Perspektiivvat mat gusket sohkabeallái, kultuvra, čearddalašvuohta, vuoliduvvon doaibmanávccat ja eallindilit leat leamaš vuođđun dán barggus.

Čilgehus geigejuvvui mánáid-, dásseárvo- ja searvevuođaministarii juovlamánu 13.beaivvi 2011.


Searvan ja váikkuheapmi báikkálaččat ja guovlulaččat

Vuosttažettiin leat gielddat gos mánát ja nuorat sáhttet váikkuhit iežaset árgabeaivvi ja boahtteáiggi searvvadettiin ja váikkuhettiin plána- ja mearridanproseassain. 

Sihkkarastit mánáid ja nuoraid váikkuheami iežaset báikegottiin lea sorjavaš máŋgga ášši lihkustuvvamis. Bargui gáibiduvvojit čielga njuolggadusat/mandáhta, oktavuohta ja movttiidahttin gieldda hálddahusas ja politihkkariin, iežas resurssat, duohta váikkuheapmi muhtun áššiin, čielga bargovuogit ruovttoluottadieđihemiide, oktavuohta muđui nuoraidbirrasis ja diđolaš das mii muđui dáhpáhuvvá gielddas áiggis áigái.  

 

 Mánáid-, dásseárvo- ja searvevuođadepartemeanta lea dorjon báikkálaš ovddidandoaimmaid ja dorjon hutkus- ja vásihuslonohallamiid konfereanssaid bokte ja diehtojuohkingihppagiid bokte. Ung.no siidduin gávdnojit dieđut nuoraidráđiid birra miehtá riikka. 

 

Mánáid- ja nuoraidorganisašuvnnat

Mánáid- ja nuoraidorganisašuvnnain lea guovddáš sajádat departemeantta barggus ovddideamen mánáid ja nuoraid beroštumiid ja váikkuhemiid.  Sii leat mánáid ja nuoraid sáhkadoalvut ja gulahallanolbmot departemeantta mánáid- ja nuoraidpolitihkalaš dehálaš áššiin. Mánáid- ja nuoraidorganisašuvnnat leat vel dehálaš astoáiggi fálaldagat mánáide ja nuoraide ja váikkuhit konstruktiivvalaččat hábmet buriid bajásšaddan- ja birgenlági mánáide ja nuoraide Norggas.

Departemeanta juolluda vuođđodoarjaga našunála ja riikkaidgaskasaš bargui eaktodáhtolaš mánáid- ja nuoraidorganisašuvnnain.  Vuođđodoarjaga ulbmil lea láhčit diliid vai mánát ja nuorat besset searvat organisašuvnnaide. Vuođđodoarjja galgá loktet organisašuvnnaid beroštumiid ja geatnegasvuođaid riikkas  ja/dahje riikkaidgaskasaččat, ja sihkkarastit ahte organisašuvnnat doibmet   mielmearrideami ja demokratiija lávdin. Mánáid- ja nuoraidorganisašuvnnaid ruhtadoarjagiid hálddaša Juohkinlávdegoddi, man čállingoddi lea Mánáid-, nuoraid- ja bearašdirektoráhta (Mnbdir). LINK Doarjagat muddejuvvojit  “Láhkaásahus eaktodáhtolaš mánáid- ja nuoraidorganisašuvnnaid doarjagiid birra” (“Forskrift om tilskudd til frivillige barne- og ungdomsorganisasjoner”)  vuođul, dohkkehuvvon skábmamánus 29.beaivvi 2007 ja rievdaduvvon čakčamánu 15.beaivvi 2009. 

Prošeaktaortnet Máŋggabealatvuohta ja fátmmasteapmi ásahuvvui jagi 2008 ja lei eurohpálaš nuoraidáŋggirdeami All Different-All Equal  ja doarjjaortnega Idebanken joatkka . Máŋggabealatvuohta ja fátmmasteapmi lea mánáid ja nuoraid várás geat háliidit deattuhit máŋggabealatvuođa, guottuid ja searvama.  Norgga mánáid ja nuoraidorganisašuvnnaid Riikkaráđđi (Landsrådet for Norges barne- og ungdomsorganisasjoner –LNU) hálddaša doarjagiid Mánáid-, dásseárvo- ja searvvadahttindepartemeantta olis.