Cavgileamit

Cavgileapmi mánáidsuodjalussii sáhttá boahtit mánás alcces, bearrašis dahje earáin, ovdamearkka dihte lagasbirrasis, dearvvašvuođastašuvnnas, bearašsuodjalusas, politiijas, buohcceviesus, mánáidgárddis dahje skuvllas.

Cavgileamit mánáidsuodjalusbálvalussii

Mánáidsuodjalusášši sáhttá álggahuvvot máŋgga láhkai. Dábálaččat váldá bearaš ieš oktavuođa gieldda mánáidsuodjalusbálvalusain jos háliida veahkkedoaimmaid.  Earát maid sáhttet cavgilit jos vuorjašuvvet muhtin máná fuolaváldimis dahje eallindilis.

Cavgileapmi mánáidsuodjalussii sáhttá boahtit mánás alcces, bearrašis dahje earáin, ovdamearkka dihte lagasbirrasis, dearvvašvuođastašuvnnas, bearašsuodjalusas, politiijas, buohcceviesus, mánáidgárddis dahje skuvllas.

Buot almmolaš bargit leat láhkageatnegahttojuvvon cavgilit mánáidsuodjalussii jos vuorjašuvvet máná fuolaváldimis. Dehálaš lea maid diehtit ahte earát ge geat vuorjašuvvet máná dilis sáhttet cavgilit mánáidsuodjalusbálvalussii. Mánáidsuodjalusbálvalus galgá árvvoštallat cavgilemiid sisdoalu beroškeahttá cavgileaddjis. 

Buot cavgileamit maid mánáidsuodjalusbálvalus oažžu galget árvvoštallojuvvot vahku siste. Mánáidsuodjalusbálvalusa geatnegasvuohta lea vuolggahit ášši jos balahuvvo ahte mánná dárbbaša veahkkedoaimmaid. Lassá ášši vuolggaheapmái lea diđolaččat hui vuollegaš dan geažil go ferte vuhtiiváldit máná dárbbuid ja dan ahte mánáidsuodjalusbálvalussii galgá álki fuomášit mánáid geat dárbbašit veahki mánáidsuodjalusas. Jos mánáidsuodjalusbálvalus vuolggaha ášši, de dat lea dainna ulbmilin ahte guorahallat máná fuolahusdili ja árvvoštallat dárbbu álggahit veahkkedoaimmaid.

Vejolaš guorahallamiid ja doaimmaid ferte árvvoštallat juohke ášši ektui.  

Vástádus cavgileaddjái

Mánáidsuodjalusbálvalus lea geatnegahttojuvvon vástidit cavgileaddjái, gč. mánáidsuodjaluslága § 6-7 a. Mánáidsuodjalusbálvalusa vástádusa sisdoallu sorjá das gii cavgileami lea sádden:

  • Jos cavgileapmi boahtá priváhta olbmos gii vuorjašuvvá máná fuolahusdilis, de galgá mánáidsuodjalusbálvalus golmma vahku siste sáddet dieđu ahte sii leat ožžon cavgileami.
  • Jos cavgileapmi boahtá sus geas lea cavgilangeatnegasvuohta mánáidsuodjalussii (“almmolaš cavgileaddjit), de galgá mánáidsuodjalusbálvalus vel addit lassi dieđuid ahte leago mánáidsuodjalusbálvalus vuolggahan guorahallama. Mánáidsuodjalusbálvalus galgá maid sáddet ođđa dieđuid go guorahallan lea čađahuvvon. Dát diehtu galgá sisttisdoallat lea go ášši heaittihuvvon, dahje áigu go mánáidsuodjalusbálvalus čuovvolit ášši.