Mánáidsuodjalusa doaimmatt nuoraide geat leat deavdán 18 jagi

Almmustahttináigodat

Almmustahtti: Mánáid-, dásseárvo- ja searvadahttindepartemeanta

Mánáidsuodjaluslága maŋŋesuddjenmearrádus rievdaduvvui maŋemustá suoidnemánu 1.b.2009. Mearrádus nanne earret eará dan ahte mánáidsuodjalusbálvalus galgá čilget jos dat II atte maŋŋesuddjenfálaldaga nuorra olbmui.

 

Mánáidsuodjelága § 1-3 vuođul sáhttá bisuhit doaimmaid mat leat álggahuvvon ovdalgo nuorra olmmoš devddii 18 jagi, dahje  ásahit eará doaimmaid dassážii go nuorra olmmoš lea deavdán 23 jagi, jos son dása mieđiha. Mánáidsuodjalusbálvalus galgá, buori áiggis ovdalgo mánná deavdá 18 jagi ja ovttasbarggus nuorain, ráhkadit doaibmaplána. Nuorat sáhttet váidit fylkkamánnii jos eai oaččo dan veahki maid háliidit. Gielddaid geatnegasvuohta lea fuomášahttit váidinvejolašvuođaid jos ohcamušat hilgojuvvojit. 

Mánáidsuodjalusláhka § 1-3 rievdaduvvui suoidnemánu 1.beaivvi 2009, čuovvovažžan: Doaimmaid loahpaheapmi go mánná lea deavdán 18 jagi ja doaibmaohcamušaid biehttaleapmi maŋŋá go mánná lea deavdán 18 jagi, galget gieđahallojuvvot eaŋkilmearrádussan ja daid ákkastallamis galgá leat vuođđun dat mii mánnái lea buoremus.  Rievdadeami ulbmilin leai deattuhit ahte váldonjuolggadussan ja vuolggasadjin galgá leat joatkit doaimmaid maŋŋá go mánná lea deavdán 18 jagi. Rievdadus galgá sihkkarastit ahte dađistaga vuđolaččat árvvoštallat lea go nuorra olbmos dárbu maŋŋesuddjemii ja makkár dat galggašii leat.